ബെംഗളൂരു: നെലമംഗല റായരപാളയക്ക് സമീപം ബെംഗളൂരു-തുമകുരു ദേശീയ പാതയിൽ ഞായറാഴ്ചയുണ്ടായ വാഹന അപകടത്തിൽ കർണാടക ഹൈകോടതി ജഡ്ജി ജസ്റ്റിസ് ജി ബസവരാജ് നിസ്സാരപരുക്കുകളോടെ രക്ഷപ്പെട്ടു. രാവിലെ ഏഴരയോടെ ജഡ്ജി നഗരത്തിന് പുറത്തേക്ക് യാത്ര ചെയ്യുമ്പോഴാണ് സംഭവം.
മുന്നിലുണ്ടായിരുന്ന അകമ്പടി വാഹനത്തിന്റെ ഡ്രൈവറുടെ കണ്ണിൽ സൂര്യപ്രകാശം പതിച്ചപ്പോൾ വാഹനം നിയന്ത്രണം വിട്ട് ഡിവൈഡറിലിടിച്ച് ജഡ്ജിയുടെ കാറിൽ ഇടിക്കുകയായിരുന്നു. എസ്കോർട്ട് വാഹനത്തിന്റെ ഡ്രൈവർക്ക് ഗുരുതര പരിക്കേറ്റു. ഇദ്ദേഹത്തെ ആശുപത്രിയിൽ പ്രവേശിപ്പിച്ചു. നെലമംഗല ട്രാഫിക് പോലീസ് ഉദ്യോഗസ്ഥർ അപകടസ്ഥലത്തെത്തി പരിശോധന നടത്തി.
SUMMARY: High Court judge’s car involved in accident
