ബെംഗളൂരു: ഹൊസൂർ കൈരളി സമാജത്തിൻ്റെ നേതൃത്വത്തിലുള്ള മലയാളം മിഷൻ ഹൊസൂർ മേഖല പ്രവേശനോത്സവം സമാജം ഓഡിറ്റോറിയത്തിൽ നടന്നു. കർണാടക ചാപ്റ്റർ പ്രസിഡന്റ് കെ.ദാമോദരൻ ഉദ്ഘാടനം ചെയ്തു. മിഷൻ പൂനമല്ലി മേഖല കോഓർഡിനേറ്റർ ജയരാജൻ ക്ലാസ്സിനു നേതൃത്വം നല്കി. സാംസ്കാരിക സമ്മേളനം ഹൊസൂർ സെന്റ് തോമസ് പള്ളി വികാരി ഫാ.ടിനോ മേച്ചേരി ഉദ്ഘാടനം ചെയ്തു. സമാജം പ്രസിഡന്റ് സി.ഗണേശൻ അധ്യക്ഷത വഹിച്ചു.
ജനറൽ സെക്രട്ടറി മാത്യു തോമസ്, ട്രഷറർ ടി.വി.സന്തോഷ്, എ.രവീന്ദ്രൻ, ഹാലി ജോസൻ, ബാലകുമാർ, ത്യാഗരാജൻ, സിജി, സുനിജ, പ്രസന്ന, ബാബുരാജ്, ബീനാ ബാബു എന്നിവർ സംസാരിച്ചു. ക്വിസ്, കലാപരിപാടികൾ, എന്നിവ അരങ്ങേറി. തുടർന്ന് ചിത്രരചന മത്സര വിജയികൾക്കും ക്വിസ് മത്സര വിജയികൾക്കും പരിപാടിയിൽ പങ്കെടുത്ത എല്ലാ കുഞ്ഞുങ്ങൾക്കും അധ്യാപകർക്കുമുള്ള സമ്മാനങ്ങൾ സമാജം ഭാരവാഹികൾ വിതരണം ചെയ്തു.കോർഡിനേറ്റർ കെ.ബി.സുരേന്ദ്രൻ സ്വാഗതവും ജോയിന്റ്റ് കോർഡിനേറ്റർ സതീഷ് കുമാർ നന്ദിയും പറഞ്ഞു.
SUMMARY: Hosur Kairali Samajam Malayalam Mission Praveshanothsavam
