ബെംഗളൂരു: ബെംഗളൂരുവില്‍ 35 കോടി രൂപയുടെ എം.ഡി.എം.എ.യുമായി മൂന്ന് വിദേശികള്‍ ഉള്‍പ്പെടെ എട്ടുപേർ അറസ്റ്റിലായി. ബെംഗളൂരു സ്വദേശി മുഹമ്മദ് മൻസൂർ (30), ഡൽഹി സ്വദേശികളായ റീന യാദവ് (50), ദേബാശിഷ് ബാനർജി (66), ധീരജ് (30), ദക്ഷിണ കന്നഡ സ്വദേശി അബ്ദുൾ സമദ് (38), സെനഗൽ സ്വദേശി ഡാൻഫാ ജെറാൽഡ്, ടാൻസാനിയയിൽനിന്നുള്ള മാഗ്രറ്റ് ലിജിനികോ, ഒബിയനുജു എന്നിവരാണ് പിടിയിലായത്.
സമാന കേസില്‍ ഈയിടെ യെലഹങ്കയിൽനിന്ന് പിടിയിലായ ഒമ്പത്പേരെ കേന്ദ്രീകരിച്ച് നടത്തിയ അന്വേഷണത്തിലാണ് 17.5 കിലോ ഗ്രാം എം.ഡി.എം.എ. മൂന്നിടങ്ങളിൽ നിന്നായി പിടിച്ചെടുത്തത്. നഗരത്തിൽ വൻതോതിൽ ലഹരിവിൽപന നടക്കുന്നുവെന്ന റിപ്പോർട്ടുകളുടെ അടിസ്ഥാനത്തില്‍ സിറ്റി പോലീസ് പരിശോധന കര്‍ശനമാക്കിയിരിക്കുകയാണ്. സംഘത്തിൽ ഉൾപ്പെട്ട കൂടുതൽ പേർ പിടിയിലാകാനുണ്ടെന്നും ഇവർക്കായി തിരച്ചിൽ നടക്കുകയാണെന്നും പോലീസ് പറഞ്ഞു.
SUMMARY: Huge drug bust in Bengaluru: MDMA worth Rs 35 crore seized, eight people including three foreigners arrested
