തിരുവനന്തപുരം: ഐബി ഉദ്യോഗസ്ഥ ജീവനൊടുക്കിയ കേസില് പ്രതി സുകാന്ത് സുരേഷിനെതിരെ കൂടുതല് വകുപ്പുകള് ചുമത്തി. വിവാഹ വാഗ്ദാനം നല്കി പീഡിപ്പിക്കല്, പണം തട്ടിയെടുക്കല് എന്നീ വകുപ്പുകളാണ് ചുമത്തിയിരിത്തുന്നത്. ബലാത്സംഗം, ആത്മഹത്യാപ്രേരണ എന്നീ വകുപ്പുകള് നേരത്തെ ചുമത്തിയിരുന്നു.
യുവതിയുടെ ബാഗില് നിന്ന് ഗർഭഛിദ്രം നടത്തിയതുമായി ബന്ധപ്പെട്ട രേഖകളും വ്യാജ വിവാഹക്ഷണക്കത്തും കണ്ടെത്തിയതിനെ തുടർന്നാണ് പോലീസ് സുകാന്തിനെതിരെ കൂടുതല് വകുപ്പുകള് ചുമത്തിയിരിക്കുന്നത്. പ്രതിക്കായുളള തിരച്ചില് ഇപ്പോഴും നടക്കുകയാണ്. സുകാന്തും കുടുംബവും ഒരുമിച്ചല്ല ഒളിവില് പോയിരിക്കുന്നതെന്നാണ് പോലീസിന് ലഭിക്കുന്ന സൂചന.
കേരളത്തിന് പുറത്തേക്കും ഇയാള്ക്കായുളള തിരച്ചില് വ്യാപിപ്പിച്ചിരിക്കുകയാണ്. 2024 ജൂലായിലാണ് യുവതി നഗരത്തിലെ സ്വകാര്യ ആശുപത്രിയില് ഗർഭഛിദ്രം നടത്തിയത്. ആദ്യം ആശുപത്രിയില് ഒന്നിച്ചെത്തിയ സുകാന്തും യുവതിയും ദമ്പതികള് എന്നാണ് പരിചയപ്പെടുത്തിയത്. യുവതിയെ ഗർഭഛിദ്രത്തിന് വിധേയമാക്കാനായി ഇയാള് ചില വ്യാജ രേഖകള് ഉണ്ടാക്കിയതിന്റെ തെളിവും പോലീസിന് ലഭിച്ചു.
TAGS : LATEST NEWS
SUMMARY : IB officer’s death; More charges filed against friend Sukant
