കൊച്ചി: കൊച്ചി കോര്പറേഷന്റെ സമഗ്ര വികസനം ലക്ഷ്യമിട്ട് 21 കര്മ്മ പദ്ധതികളുമായി മേയര് വി കെ മിനിമോള്. കോര്പറേഷന് ഭരണം തിരിച്ചു പിടിച്ച യുഡിഎഫ് കുറഞ്ഞ നിരക്കില് ഭക്ഷണം വിതരണം ചെയ്യുന്ന ഇന്ദിര കാന്റീന് നടപ്പാക്കാന് തീരുമാനിച്ചു. കൊച്ചി മേയര് ഇക്കാര്യം വിശദീകിച്ചു. വരുന്ന 50 ദിവസം 50 ദിന കര്മ്മ പദ്ധതിയാണ് ആവിഷ്ക്കരിച്ചിരിക്കുന്നത്. 50 ദിവസത്തിനകം ഇവ നടപ്പാക്കുകയോ തുടക്കം കുറിക്കുകയോ ചെയ്യും. തീവ്ര കൊതുക നിവാരണ യജ്ഞമാണ് പ്രഥമ പരിഗണന.
വിശപ്പ് രഹിത കൊച്ചിക്കായി ഇന്ദിര കാന്റീനുകള് ആരംഭിക്കും.ഇവിടെ 10 രൂപക്ക് ഭക്ഷണം നല്കും. പ്രാതലും രാത്രി ഭക്ഷണവുമാണ് 10 രൂപ നിരക്കില് ലഭ്യമാക്കുക. കോര്പ്പറേഷന്റെ തന്നെ സമൃദ്ധി ക്യാന്റീനൊപ്പമായിരിക്കും ഇന്ദിര കാന്റീനുകള് ആരംഭിക്കുക. ഫോര്ട്ട് കൊച്ചി കേന്ദ്രീകരിച്ചാകും പദ്ധതികള്
തെരുവുനായ്ക്കളെ ദത്തെടുക്കാനും അവസരം നല്കും. തെരുവ് നായകള്ക്ക് പൊതുനിരത്തില് ഭക്ഷണം കൊടുക്കാന് അനുവദിക്കില്ല. പകരം കോര്പ്പറേഷന് വഴി സൗകര്യം ഒരുക്കും. ബ്രഹ്മപുരത്ത് സജ്ജമാക്കുന്ന കൂടുകളില് ഭക്ഷണം നല്കും. കൂടാതെ എല്ലാ മാസവും മേയറെ ഒരു ദിവസം നേരിട്ട് കണ്ട് പരാതികള് അറിയിക്കാനും അവസരം ഒരുക്കും.
SUMMARY: Indira canteen with food for ten rupees in Kochi; 50 day work plan announced for the corporation
WhatsApp
Telegram
