ബെംഗളൂരു: മൈസൂരു ഹുൻസൂരിലെ ഫാം ഹൗസിൽ പോലീസ് നടത്തിയ പരിശോധനയിൽ വൻതോതിൽ രാസലഹരി ശേഖരം പിടികൂടി. സംഭവത്തിൽ രണ്ടുപേരെ പോലീസ് അറസ്റ്റുചെയ്തു. രത്നപുരിക്കും ദാസനപുരയ്ക്കും ഇടയിലുള്ള ഫാം ഹൗസിലെ ഷെഡിലാണ് ഹുൻസൂർ റൂറൽ പോലീസ് പരിശോധന നടത്തിയത്. ഫാം ഹൗസ് ഉടമ ഹുൻസൂർ ടൗണിലെ റഹ്മത്ത് മൊഹല്ലയിലെ മുഹമ്മദ് ഇർഫാൻ (42), മൈസൂരു സിദ്ദിഖ് മൊഹല്ലയിലെ മുഹമ്മദ് ഇർഫാൻ (30) എന്നിവരാണ് പിടിയിലായത്. രഹസ്യവിവരത്തിൻ്റെ അടിസ്ഥാനത്തിലായിരുന്നു പോലീസ് നടപടി.
മെഫെഡ്രോൺ അടക്കമുള്ള 25 കിലോഗ്രാം മാരക രാസമയക്കുമരുന്ന് ശേഖരമാണ് കണ്ടെത്തിയത്. പോലീസിനെക്കണ്ട് രക്ഷപ്പെടാൻ ശ്രമിച്ച പ്രതികളെ പിന്തുടർന്നാണ് പിടികൂടിയത്. ഇരുവരെയും ചോദ്യം ചെയ്തുവരുന്നതായി പോലീസ് പറഞ്ഞു.
SUMMARY: Inspection at farmhouse; 2 arrested with 25 kg of chemical drugs
