ബെംഗളൂരു: ക്രിസ്ത്യന് റൈറ്റേഴ്സ് ട്രസ്റ്റിന്റെ ജോസഫ് വന്നേരി സ്മാരക പുരസ്ക്കാരം വിഷ്ണുമംഗലം കുമാറിന്. ‘സ്നേഹസാന്ദ്രം രവിനിവേശം’ എന്ന നോവലിനാണ് പുരസ്കാരം. ഫ്രാന്സിസ് ആന്റണി ഐ.ടി.എസ് ,ദിവ്യ ടെരന്സ്, ജോമോന് ജോബ് എന്നിവര് അടങ്ങിയ ജഡ്ജിംഗ് കമ്മിറ്റിയാണ് പുരസ്കാര ജേതാവിനെ തിരഞ്ഞെടുത്തത്. 2022,23 വർഷങ്ങളിലെ ബെംഗളൂരുവിലെ എഴുത്തുകാരിലെ നോവൽ, ചെറുകഥാസമഹാരം ,ലേഖന സമഹാരം എന്നിവയിൽ നിന്നുള്ള മികച്ച രചനക്കാണ് അവാർഡ്.
നാദാപുരം സ്വദേശിയായ വിഷ്ണുമംഗലം കുമാര് വര്ഷങ്ങളായി ബെംഗളൂരുവിലാണ്താമസം. കേരളശബ്ദം ഗ്രൂപ്പ് പ്രസിദ്ധീകരണങ്ങളുടെ ലേഖകനായി പ്രവര്ത്തിക്കുന്നു.
പത്തായിരം രൂപയും ഫലകവും അടങ്ങുന്ന പുരസ്കാരം മാര്ച്ച് ആദ്യവാരം സമ്മാനിക്കുന്നതാണെന്ന് ക്രിസ്ത്യന് റൈറ്റേഴ്സ് ട്രസ്റ്റ് പ്രസിഡന്റ്
ടി എ കലിസ്റ്റസ്, ജനറല് സെക്രട്ടറി സി.ഡി ഗബ്രിയേല് എന്നിവര് അറിയിച്ചു.
<br>
TAGS : AWARDS
