തിരുവനന്തപുരം: തിരുവനന്തപുരം- കാസറഗോഡ് സില്വര് ലൈന് പദ്ധതി റദ്ദാക്കിയതായി മുഖ്യമന്ത്രി വിഡി സതീശന് അറിയിച്ചു. മന്ത്രിസഭാ യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. പദ്ധതിയുമായി ബന്ധപ്പെട്ട എല്ലാ വിജ്ഞാപനവും റദ്ദാക്കിയെന്നും ഭൂമി ഏറ്റെടുക്കല് തീരുമാനം റദ്ദാക്കിയതായും പോലീസ് കേസുകള് പിന്വലിക്കാനുള്ള ശുപാര്ശയും സമര്പ്പിക്കുമെന്നും മഞ്ഞക്കുറ്റി നീക്കം ചെയ്യാന് റവന്യു വകുപ്പിന് നിര്ദ്ദേശം നല്കിയെന്നും മുഖ്യമന്ത്രി വാര്ത്താസമ്മേളനത്തില് അറിയിച്ചു.
സില്വര് ലൈനിന് പകരം സ്പീഡ് കൊറിഡോര്, അതിവേഗ ഇടനാഴി എന്നിവയും പരിഗണനയിലുണ്ട്. പ്രായോഗികം അല്ലാത്തത് കൊണ്ടാണ് സില്വര് ലൈന് വേണ്ടെന്ന് വച്ചതെന്നും യുഡിഎഫ് സബ് കമ്മിറ്റി പഠിച്ച് വിശദമായ റിപ്പോര്ട്ടിന്റെ അടിസ്ഥാനത്തിലാണ് പദ്ധതി വേണ്ടെന്ന് വച്ചതെന്നും സതീശന് പറഞ്ഞു.
SUMMARY: K-Rail project canceled; CM says yellow-haired girls will be uprooted
