ബെംഗളൂരു: കന്നഡ അനുകൂല സംഘടനകളുടെ പ്രതിഷേധത്തെത്തുടര്ന്ന് ഹുബ്ബള്ളിയിലെ റെയില്വേ ആസ്ഥാനത്ത് നടത്താനിരുന്ന റെയില്വേ നിയമന പരീക്ഷകള് മാറ്റി വെച്ചു. വിവിധ വകുപ്പുകളിലെ സ്ഥാനക്കയറ്റത്തിനുവേണ്ടിയുള്ള
194 ഗുഡ്സ് ട്രെയിന് മാനേജര്മാര് ഉള്പ്പെടെ 295 തസ്തികകളിലേക്ക് ഇന്നലെ നടക്കാനിരുന്ന പരീക്ഷയാണ് മാറ്റിവെച്ചത്.
ഇംഗ്ലിഷിലും ഹിന്ദിയിലും മാത്രമായി പരീക്ഷ നടത്തുന്നതിനെതിരെ കന്നഡ സംഘടനകളുടെ പ്രതിഷേധം ശക്തമായതിനെ തുടര്ന്നാണു ദക്ഷിണ പശ്ചിമ റെയില്വേയുടെ നടപടി. ബെംഗളൂരുവിലും ഹുബ്ബള്ളിയിലും പരീക്ഷാ കേന്ദ്രങ്ങള്ക്കു മുന്നില് കന്നഡ രക്ഷണ വേദികെ പ്രവര്ത്തകര് പ്രതിഷേധിച്ചു. കന്ന ഡിഗര്ക്കെതിരേയുള്ള അതിക്രമങ്ങള് അവസാനിപ്പിക്കണമെന്നാവശ്യപ്പെട്ടായിരുന്നു പ്രകടനം. കന്നഡയോടുള്ള കേന്ദ്ര സര്ക്കാരിന്റെ അവഗണനയ്ക്കെതിരെ മുദ്രാവാക്യം മുഴക്കി. ബെംഗളൂരുവിലെ ഡിവിഷണല് റെയില്വേ മാനേജരുടെ ഓഫീസിനുമുന്പില് പ്രകടനം നടത്തിയ രക്ഷണ വേദികെ പ്രവര്ത്തകരെ പോലീസ് കസ്റ്റഡിയിലെടുത്ത് നീക്കി.
പരീക്ഷകളുടെ പുതുക്കിയ തീയതികള് പിന്നീടറിയിക്കുമെന്ന് ഡി വിഷണല് ഓഫീസില്നിന്ന് അറിയിച്ചു.
SUMMARY: Kannada organizations protest; Railway recruitment exam postponed
WhatsApp
Telegram
