യാത്രക്കാരുടെ ശ്രദ്ധയ്ക്ക് ; കന്യാകുമാരി എക്സ്പ്രസ് ഒരു മണിക്കൂർ വൈകും, വന്ദേഭാരത് എക്സ്പ്രസ് വഴിതിരിച്ചുവിടും

ബെംഗളൂരു: പാതകളില്‍ അറ്റകുറ്റപ്പണി നടക്കുന്നതിനാൽ ട്രെയിന്‍ സര്‍വീസുകളില്‍ മാറ്റം. തിരുവനന്തപുരം–നാഗർകോവിൽ ഡിവിഷനുകൾക്കിടയിൽ അറ്റകുറ്റപ്പണി നടക്കുന്നതിനാൽ കെഎസ്ആർ ബെംഗളൂരു–കന്യാകുമാരി എക്സ്പ്രസ് (16526) നാളെ ഒരു മണിക്കൂർ വൈകിയാണ് പുറപ്പെടുക. കോയമ്പത്തൂരിൽ അറ്റകുറ്റപ്പണി നടക്കുന്നതിനാൽ എറണാകുളം ജംക്‌ഷൻ–കെഎസ്ആർ ബെംഗളൂരു വന്ദേഭാരത് എക്സ്പ്രസ് (26652) നാളെ കോയമ്പത്തൂർ ജംക്‌ഷനു പകരം പോത്തന്നൂർ, ഇരിഗൂർ വഴിയായിരിക്കും സർവീസ് നടത്തുക. പോത്തന്നൂരിൽ 2 മിനിറ്റ് താൽക്കാലിക സ്റ്റോപ് അനുവദിച്ചിട്ടുണ്ട്.
SUMMARY: Kanyakumari Express will be delayed by one hour, Vande Bharat Express will be diverted