ബെംഗളൂരു: നീറ്റു പരീക്ഷ ക്രമക്കേട് സമരം ഫലം കണ്ടതിന്റെ ഭാഗമായി കര്‍ണാടക മലയാളി കോണ്‍ഗ്രസ് സംസ്ഥാന കമ്മിറ്റി വിജയ് സദസ് സംഘടിപ്പിച്ചു. സംസ്ഥാന പ്രസിഡണ്ട് സുനില്‍ തോമസ് മണ്ണില്‍ ഉദ്ഘാടനം ചെയ്തു.കോണ്‍ഗ്രസ് നേതൃത്വം നല്‍കുന്ന പ്രതിപക്ഷ കൂട്ടായ്മ ഒറ്റകേട്ടായി പാര്‍ലമെന്റിലും, രാജ്യത്ത് പ്രക്ഷോഭം സംഘടിപ്പിച്ചതിന്റെ അടിസ്ഥാനത്തില്‍ കൂടിയാണ് വിജയമെന്ന് സുനില്‍ തോമസ് മണ്ണില്‍ പറഞ്ഞു. കേന്ദ്ര വിദ്യാഭ്യാസ മന്ത്രിയുടെ രാജിയില്‍ കുറഞ്ഞതൊന്നും അംഗീകരിക്കില്ലെന്നതില്‍ ഉറച്ച് നിന്ന വിദ്യാര്‍ഥി കൂട്ടായ്മയുടെ തീരുമാനത്തെ വിജയസദസ് അഭിനന്ദിച്ചു.
ജനറല്‍ സെക്രട്ടറി ബിജു പ്ലാച്ചേരി സ്വാഗതം പറഞ്ഞു. സംസ്ഥാന ഭാരവാഹികളായ മോണ്ടി മാത്യു, അരുണ്‍കുമാര്‍, ജേക്കബ് മാത്യു, നന്ദകുമാര്‍ കൂടത്തില്‍, ജോമോന്‍ ജോര്‍ജ് , രാജീവന്‍ കളരിക്കല്‍, ഷാജി ജോര്‍ജ് , ജിജോ തോമസ് , സോമരാജന്‍ , അഡ്വ. മാത്യു വര്‍ഗീസ് ,അനില്‍ കുമാര്‍ ഒ .കെ ,അബ്ദുല്‍ ഗഫൂര്‍ ,ജിബി കെ .ആര്‍. നായര്‍ , ടോമി ജോര്‍ജ് , ഷാജു മാത്യു , ഷാജി പി .ജോര്‍ജ് ,ഷാജില്‍ , നിമ്മി രവീന്ദ്രന്‍ , രാജേഷ് , ജിബിന്‍ , സജിത എന്നിവര്‍ സംസാരിച്ചു.
SUMMARY: Karnataka Malayali Congress organized Vijay Sadas
