ബെംഗളൂരു: കഴിഞ്ഞ രണ്ട് പതിറ്റാണ്ടിലേറെക്കാലമായി ബെംഗളൂരുവിലെ സാമൂഹ്യ, സാംസ്കാരിക, മത രംഗത്തും വിദ്യാഭ്യാസ, ജീവകാരുണ്യ മേഖലകളിലും സജീവ സാന്നിധ്യമായി നിലകൊള്ളുന്ന ഹിറ ഫൗണ്ടേഷൻ ട്രസ്റ്റിന് കീഴിലുള്ള മസ്ജിദുർ റഹ്മയുടെ നേതൃത്വത്തിൽ പ്രഥമ കുടുംബ സംഗമം
ഞായറാഴ്ച രാവിലെ 10 മണി മുതൽ വൈകുന്നേരം 4 മണി വരെ കോൾസ് പാർക്ക് സഫീന ഗാർഡനിൽ നടക്കും.
ജെ. ഐ. എച്ച്. ബെംഗളൂരുസിറ്റി പ്രസിഡന്റ് ഷമീർ മുഹമ്മദ് സംഗമം ഉദ്ഘാടനം ചെയ്യും. പ്രമുഖ വാഗ്മിയും, ഫാമിലി കൗൺസിലറുമായ സുലൈമാൻ അസ്ഹരി മിനാരത്തണലിൽ പൂക്കുന്ന കുടുംബങ്ങൾ എന്ന വിഷയത്തിൽ മുഖ്യപ്രഭിഷണം നിർഹിക്കും. ബെംഗളൂരു മർച്ചന്റ്സ് അസോസിയേഷൻ രക്ഷാധികാരിയും എം പവർ ഇഡി ചെയർമാനുമായ വി. പി. അബ്ദുല്ല, ഹിറ ഫൗണ്ടേഷൻ ട്രസ്റ്റ് ചെയർമാൻ ഹസൻ പൊന്നൻ, മസ്ജിദുർ റഹ്മ ഖത്വീബ് കെ. വി. ഖാലിദ്, ഏരിയ സമ്മേളന കോ-ഓർഡിനേറ്റർ റമീസ് വല്ലപ്പുഴ തുടങ്ങിയവർ സംസാരിക്കും.
ജാതി, മത, ഭാഷാ വേർതിരിവുകൾക്കതീതമായി നന്മയ്ക്കുവേണ്ടി കൈകോർത്ത ഈ സൗഹൃദങ്ങളെ പുതുക്കാനും പഴയ ഓർമകൾ പങ്കുവെക്കാനും പുതിയ തലമുറയ്ക്ക് കൂട്ടായ്മയുടെ മഹത്തായ മൂല്യങ്ങൾ പകർന്നുനൽകുന്ന വേദിയായി കുടുംബ സംഗമം മാറുമെന്ന് കൺവീനർ മഹറൂഫ് കരിയാടൻ അറിയിച്ചു. വിവരങ്ങൾക്ക് 97404 04779.
