സുൽത്താൻ ബത്തേരി : കർണാടക മൈനോരിറ്റി കൾച്ചറൽ സെന്റർ ബാംഗ്ലൂർ നൽകുന്ന റമദാൻ- ഈദ് കിറ്റുകൾ വയനാട്ടിലെ സുൽത്താൻ ബത്തേരിയിലെ ഗ്രാമീണ മേഖലയായ പഴുപ്പത്തൂർ മഹല്ലിൽ വിതരണം ചെയ്തു. കർണാടക മൈനോരിറ്റി കൾച്ചറൽ സെന്റർ ഓർഗനൈസിംഗ് സെക്രട്ടറി ഷാജൽ സി എച്ച് പഴുപ്പത്തൂർ മഹല്ല് പ്രസിഡന്റ് മുഹമ്മദ് കുട്ടി കോണിക്കലിന് നൽകി വിതരണോൽഘാടനം നിർവഹിച്ചു.
പരസ്പര സ്നേഹത്തിന്റെയും കാരുണ്യത്തിന്റെയും മഹിതമായ സന്ദേശമാണ് ഇത്തരം സൽ പ്രവർത്തനങ്ങളിലൂടെ സമൂഹത്തിന് കൈമാറുന്നത് എന്ന് മഹല്ല് ഇമാം ഷഹീർ ഫൈസി റമദാൻ സന്ദേശത്തിൽ പറഞ്ഞു . പ്രദേശത്തെ നിർധനരും വിധവകളുമടങ്ങുന്ന കുടുംബങ്ങൾക്കാണ് കിറ്റുകൾ വിതരണം ചെയ്തിട്ടുള്ളത് . ഇത്തരം കുടുംബങ്ങളെ സാമ്പത്തികമായി കൈ പിടിച്ചുയർത്തുന്നതിന്റെ ഭാഗമായി തുടർന്നും കാരുണ്യ പ്രവർത്തനങ്ങളും തുടർ പദ്ധതികളും ആവശ്യമാണെന്നും സഹകരണങ്ങൾ നൽകി കൂടെ നിൽക്കുമെന്നും മുഖ്യാതിഥിയായി പങ്കെടുത്ത എസ് കെ എസ് എസ് എഫ് വയനാട് ജില്ലാ ജന സെക്രട്ടറി റിയാസ് ഫൈസി പാപ്ലശ്ശേരി പറഞ്ഞു . കർണാടക മൈനോരിറ്റി കൾച്ചറൽ സെന്റർ കർണാടകയിലും പരിസര പ്രദേശങ്ങളിലുമായി റമദാൻ പ്രമാണിച്ചു കൊണ്ട് നൂറു കണക്കിന് ഈദ് കിറ്റുകൾ നൽകി വരുന്നു. പ്രസ്തുത പരിപാടിയിൽ മഹല്ല് ഭാരവാഹികളായ അബ്ദുറഹിമാൻ വി പി , കുഞ്ഞി മുഹമ്മദ് സി പി , മുഹമ്മദ് ഫാസിൽ തുടങ്ങിയവർ പങ്കെടുത്തു സംസാരിച്ചു.
SUMMARY : Karnataka Minority Cultural Centre distributes Ramadan-Eid kits in Wayanad
WhatsApp
Telegram
