കോഴിക്കോട് കൊടുവള്ളിയില് യുവാവിനെ തട്ടിക്കൊണ്ടുപോയ സംഭവത്തില് ഒരാളെ കൂടി പോലീസ് കസ്റ്റഡിയിലെടുത്തു. ഇതോടെ പോലീസ് കസ്റ്റഡിയില് എടുത്തവരുടെ എണ്ണം മൂന്നായി. ഇതില് രണ്ടുപേര് കൊണ്ടോട്ടി സ്വദേശികളും, ഒരാള് കിഴക്കോത്ത് സ്വദേശിയുമാണ്. ഇവരുടെ ചോദ്യം ചെയ്യല് തുടരുകയാണ്.
കാറില് എത്തിയ മറ്റു പ്രതികള് എവിടെ എന്നതിനെ കുറിച്ച് പോലീസിന് സൂചന ലഭിച്ചതായാണ് വിവരം. സംഭവത്തില് രണ്ടു പേരെ ഇന്നലെയാണ് പോലീസ് കസ്റ്റഡിയില് എടുത്തിരുന്നത്. തട്ടിക്കൊണ്ടുപോയ സംഘത്തിന്റെ കൂടെ ബൈക്കില് എത്തിയവരാണ് ഇന്നലെ പിടിയിലായത്. ഏഴ് അംഗ സംഘമാണ് കൊടുവള്ളിയിലെ വീട്ടില് നിന്ന് അനൂസ് റോഷനെ തട്ടിക്കൊണ്ട് പോയത്.
ബൈക്കില് രണ്ടു പേരും കാറില് അഞ്ചു പേരുമാണ് എത്തിയത്. ആദ്യം ബൈക്കില് ഉള്ളവരാണ് വീട്ടില് എത്തിയതെന്ന് കുടുംബം മൊഴി നല്കിയിരുന്നു. ഇവരെയാണ് കൊടുവള്ളി പോലീസ് കസ്റ്റഡിയില് എടുത്തത്. വിശദമായി ചോദ്യം ചെയ്ത് വരികയാണ്. ഇവർ സഞ്ചരിച്ചിരുന്ന ബൈക്കും പോലീസ് പിടിച്ചെടുത്തിട്ടുണ്ട്.
TAGS : LATEST NEWS
SUMMARY : Koduvally kidnapping; Three people in custody
