ബെംഗളൂരു: മലയാളി വിദ്യാർഥി കർണാടകയിൽ ഹൃദയാഘാതത്തെ തുടർന്ന് അന്തരിച്ചു കണ്ണൂർ ചമ്പാട്ട് തയ്യുള്ളതിൽ ഹസൻ- നുസൈബ ദമ്പതികളുടെ മകൻ ഫഹദ് അലം ഷദാൻ (19) ആണ് മരിച്ചത്.
മാണ്ഡ്യ സെന്റ് തോമസ് കോളേജിൽ ബി. കോം ഒന്നാം വർഷ വിദ്യാർഥിയായിരുന്നു ഫഹദ്. പിതാവ് ഹസൻ മാണ്ഡ്യ ടൗണിൽ റെസ്റ്റോറന്റ് നടത്തിവരികയാണ്. കുടുംബത്തോടൊപ്പം മാണ്ഡ്യയിലായിരുന്നു താമസം. രാത്രി അസ്വസ്ഥത അനുഭവപ്പെട്ടതിനെ തുടർന്ന് ഫഹദിനെ ആശുപത്രിയിലെത്തിച്ചെങ്കിലും മരണപ്പെടുകയായിരുന്നു. ഷിറാന ഏക സഹോദരിയാണ്.
മൃതദേഹം മാണ്ഡ്യ-മൈസൂരു എഐകെഎംസിസി പ്രവർത്തകരുടെ സഹായത്തോടെ നടപടിക്രമങ്ങൾ പൂർത്തിയാക്കി നാട്ടിലേക്ക് കൊണ്ടുപോയി. സംസ്കാരം പൊന്ന്യം പുഴക്കൽ ജുമാ മസ്ജിദ് ഖബർസ്ഥാനിൽ ഇന്ന് വൈകിട്ട് നാലിന് നടക്കും.
SUMMARY: Malayali student passes away in Karnataka following a heart attack
