ബെംഗളൂരു: മലബാര്‍ മുസ്ലിം അസോസിയേഷനു കീഴിലെ മൈസൂര്‍ റോഡ് ഹയാത്തുല്‍ ഇസ്ലാം മദ്രസയില്‍ ഒരാഴ്ച്ചയായി നടന്നുവന്ന സ്റ്റുഡന്റ്സ് ഫെസ്റ്റ് സമാപിച്ചു. സമാപന പരിപാടി മലബാര്‍ മുസ്ലിം അസോസിയേഷന്‍ പ്രസിഡണ്ട് ഡോ. എ ന്‍ എ മുഹമ്മദ് ഉദ്ഘാടനം ചെയ്തു. ജനറല്‍ സെക്രട്ടറി ടി.സി. സിറാജ് അധ്യക്ഷത വഹിച്ചു.
വിദ്യാര്‍ഥികളുടെ സ്റ്റേജിതര മല്‍സരങ്ങള്‍ വിവിധ ഘട്ടങ്ങളിലായി നടന്നു. സ്റ്റേജു മല്‍സരങ്ങള്‍ രാവിലെ 10 മുതല്‍ രാത്രി 10 മണി വരെ നീണ്ടുനിന്നു. ഉച്ചക്ക് ഒരു മണിക്ക് നടന്ന മൗലിദ് സംഗമത്തില്‍ പല മഹല്ലുകളില്‍ നിന്നുമായി ആയിരത്തില്‍ പരം ആളുകള്‍ പങ്കെടുത്തു. ഖുര്‍ആന്‍ പാരായണം, ബുര്‍ദ ആലാപനം, ദഫ് പ്രദര്‍ശനം, ദഫ് മുട്ട്, ഫ്‌ലവര്‍ ഷോ, വിവിധ ഭാഷകളിലെ പ്രസംഗ മല്‍സരം, ഗാനാലാപനം തുടങ്ങി മനോഹരമായ നിവധി മല്‍സരങ്ങള്‍ നടന്നു. അഡ്വ. പി. ഉസ്മാന്‍, എംപയര്‍ അസീസ് ഹാജി, ഇംപീരിയല്‍ ബഷീര്‍ ഹാജി, എ.ബി. ബഷീര്‍, നിസാര്‍, ശബീര്‍ . ടി.സി, കബീര്‍ ജയനഗര്‍, എം. വൈ ഹംസത്തുല്ലഹ്, സ്വദേശി അബ്ദുല്‍ ഹഖ്, നാസര്‍ ഷോപ്പറൈറ്റ്, സുബൈര്‍ കായക്കൊടി,അബു ഹാജി തുടങ്ങിയവര്‍ സംബന്ധിച്ചു. ഖത്തീബ് സെയ്ദു മുഹമ്മദ് നൂരി മദ്ഹ് റസൂല്‍ പ്രഭാഷണം നടത്തി. പി.എം. മുഹമ്മദ് മൗലവി സ്വാഗതവും ശംസുദ്ധീന്‍ കൂടാളി നന്ദിയും പറഞ്ഞു.
<br>
TAGS : MALABAR MUSLIM ASSOCIATION | RELIGIOUS
WhatsApp
Telegram
