തിരുവനന്തപുരം: എഡിഎം നവീൻ ബാബുവിന്റെ മരണത്തില് തുടര് അന്വേഷണം ആവശ്യപ്പെട്ട് ഭാര്യ മഞ്ജുഷ കോടതിയെ സമീപിച്ചു. എസ്ഐടി അന്വേഷണം തൃപ്തികരമല്ലെന്ന് വ്യക്തമാക്കിയും അന്വേഷണത്തിലെ പിഴവുകള് ചൂണ്ടികാണിച്ചുമാണ് മഞ്ജുഷ കോടതിയില് ഹര്ജി നല്കി. കുറ്റപത്രത്തിലെ 13 പിഴവുകള് ഹര്ജിയില് ചൂണ്ടികാണിക്കുന്നുണ്ട്.
പ്രതി ഭരിക്കുന്ന പാര്ട്ടിയുടെ ഭാഗമായിട്ടും ശരിയായ തെളിവുകള് ശേഖരിച്ചില്ലെന്നും പ്രശാന്തനില് നിന്ന് കൈക്കൂലി വാങ്ങിയെന്ന് വ്യാജകേസ് നിര്മ്മിക്കാന് ശ്രമിച്ചുവെന്നുമാണ് ഹര്ജിയില് പറയുന്നത്. ശരിയായ അന്വേഷണം നടത്തിയാല് വ്യാജ ആരോപണം തെളിയിക്കാന് കഴിയും.
വകുപ്പുതല അന്വേഷണത്തിലെ കണ്ടെത്തല് പോലീസ് റിപ്പോര്ട്ടില് ഉള്പ്പെടുത്തിയില്ല. പ്രശാന്തന് പിപി ദിവ്യയുടെ ബെനാമി ആണെന്ന സൂചനയുണ്ടായിട്ടും അന്വേഷിച്ചില്ല. ഇലക്ട്രോണിക് തെളിവുകളില് പലതിലും ക്രമക്കേട് ഉണ്ട്. സിഡിആര് പലതും ശേഖരിച്ചില്ലെന്നും ഹര്ജിയില് പറയുന്നു.
SUMMARY: Naveen Babu’s death; Petition filed seeking further investigation
