തിരുവനന്തപുരം: കേന്ദ്ര സർക്കാരിന്റെ കേരളത്തോടുള്ള തുടർച്ചയായ അവഗണനയ്ക്കെതിരെ നിയമസഭയില് പ്രമേയം അവതരിപ്പിച്ച് മുഖ്യമന്ത്രി പിണറായി വിജയൻ. എയിംസ്, വിഴിഞ്ഞം തുറമുഖ വികസനം, അതിവേഗ റെയില് തുടങ്ങിയ പദ്ധതികളില് കേന്ദ്രം കാണിക്കുന്ന വിവേചനം അക്കമിട്ട് നിരത്തിയാണ് മുഖ്യമന്ത്രി സഭയില് സംസാരിച്ചത്. ഇത്തവണത്തെ കേന്ദ്ര ബജറ്റ് കേരളത്തെ പൂർണ്ണമായും നിരാശപ്പെടുത്തുന്നതാണെന്നും ഇത് ഫെഡറല് തത്വങ്ങളുടെ ലംഘനമാണെന്നും അദ്ദേഹം ആരോപിച്ചു.
കേരളത്തിന്റെ ന്യായമായ ആവശ്യങ്ങളെ കേന്ദ്രം കാലങ്ങളായി തഴയുകയാണ്. എയിംസ് സ്ഥാപിക്കുന്നതിനായി സംസ്ഥാനം സ്ഥലം കണ്ടെത്തി നല്കിയിട്ടും കേന്ദ്ര സർക്കാർ മൗനം തുടരുന്നതിനെ മുഖ്യമന്ത്രി രൂക്ഷമായി വിമർശിച്ചു. സംസ്ഥാനങ്ങളുടെ സാമ്പത്തികവും വികസനപരവുമായ നില ഭദ്രമാകുമ്പോൾ മാത്രമേ രാജ്യത്തിന് തലയുയർത്തി നില്ക്കാനാവൂ എന്നും, എന്നാല് പ്രാദേശിക ഭേദമന്യേ വികസനം ഉറപ്പാക്കേണ്ട കേന്ദ്രം ജനാധിപത്യ മൂല്യങ്ങളെപ്പോലും വിസ്മരിക്കുകയാണെന്നും അദ്ദേഹം പ്രമേയത്തില് ചൂണ്ടിക്കാട്ടി.
ലോകത്തിന് മുന്നില് അഭിമാനകരമായ നേട്ടങ്ങള് കൈവരിച്ച കേരളത്തെ തളർത്തുന്ന നടപടികളാണ് കേന്ദ്രത്തിന്റെ ഭാഗത്തുനിന്ന് ഉണ്ടാകുന്നത്. രാജ്യത്തിന്റെ അന്തസ്സിനെ ലോകസമൂഹത്തിന് മുന്നില് ഇടിച്ചുതാഴ്ത്തുന്നതാണ് ഇത്തരം നടപടികളെന്നും മുഖ്യമന്ത്രി കുറ്റപ്പെടുത്തി.
SUMMARY: Only neglect for the state: Resolution in the Assembly against the central budget
WhatsApp
Telegram
