ബെംഗളൂരു: സക്ലേശ്പുരയില്‍ കർണാടക ആർടിസി ബസുകൾ തമ്മിൽ കൂട്ടിയിടിച്ചുണ്ടായ അപകടത്തിൽ യാത്രക്കാർക്ക് പരുക്ക്. സ്കൂൾ, കോളേജ് വിദ്യാർഥികൾ ഉൾപ്പടെയുള്ള യാത്രക്കാർക്കാണ് പരുക്കേറ്റത്. വ്യാഴാഴ്ച രാവിലെ ഹൻബാലിനടുത്താണ് അപകടമുണ്ടായത്. സക്ലേശ്പുരയിലേക്കും മുദിഗരെയിലേക്കും പോവുകയായിരുന്ന രണ്ട് ബസുകളാണ് കൂട്ടിയിടിച്ചത്. പരുക്കേറ്റ വിദ്യാർഥികളെ നാട്ടുകാർ ഉടൻ ആശുപത്രിയിലേക്ക് മാറ്റി. ആരുടെയും പരുക്ക് ഗുരുതരമല്ല. സംഭവത്തിൽ സക്ലേശ്പുര റൂറൽ പോലീസ് കേസെടുത്തു.
SUMMARY: Passengers injured in bus collision
