ബെംഗളൂരു: ആശങ്ക സൃഷ്ടിച്ച ഇന്ഡിഗോ വിമാനം ബെംഗളൂരുവില് അടിയന്തര ലാന്ഡിങ് നടത്തി. ഗുവഹത്തി ചെന്നൈ വിമാനമാണ് ബെംഗളൂരുവിൽ ഇറക്കിയത്. വിമാനത്തിൽ മതിയായ ഇന്ധനം ഉണ്ടായിരുന്നില്ല. 168 യാത്രക്കാർ ആയിരുന്നു വിമാനത്തിൽ ഉണ്ടായിരുന്നത്. വിമാനം സമയത്ത് ചെന്നൈയിൽ ഇറക്കാൻ കഴിഞ്ഞില്ല. ശേഷം ഇന്ധനം കഴിയാറായി എന്ന് പൈലറ്റ് അറിയിച്ചതിനെ തുടർന്ന് വിമാനം അടിയന്തിരമായി ബെംഗളൂരുവില് ഇറക്കി. ഇന്ധനം കുറവായതിനെത്തുടര്ന്ന് പൈലറ്റ് മെയ് ഡേ സന്ദേശം നൽകിയതായി അധികൃതരെ ഉദ്ധരിച്ച് എന്ഡിടിവി റിപ്പോര്ട്ട് ചെയ്തു.
വ്യാഴാഴ്ച വൈകുന്നേരം 4:40ന് ഗുവാഹാട്ടിയില് നിന്ന് പുറപ്പെട്ട 6E6764 ഇന്ഡിഗോ വിമാനം രാത്രി 7:45ഓടെ ചെന്നൈയില് ഇറങ്ങാന് ശ്രമിച്ചെങ്കിലും, ലാന്ഡിംഗ് ഗിയര് റണ്വേയില് സ്പര്ശിച്ചതിന് ശേഷം വീണ്ടും പറന്നുയര്ന്നു. തുടര്ന്ന് ബെംഗളൂരു വിമാനത്താവളത്തില് നിന്ന് ഏകദേശം 35 മൈല് അകലെ വെച്ച് ക്യാപ്റ്റന് ഒരു ‘മെയ് ഡേ’ കോള് നടത്തിയെന്നാണ് റിപ്പോർട്ട്. ഇതോടെ മുൻഗണന നൽകി വിമാനത്തിന് ബെംഗളൂരുവില് ലാൻഡ് ചെയ്യാനുള്ള സൗകര്യം ഒരുക്കി. മുന്കരുതലായി മെഡിക്കല്, ഫയര് സര്വീസ് ഉദ്യോഗസ്ഥര് സ്ഥലത്തുണ്ടായിരുന്നു. രാത്രി 8:20 ന് വിമാനം സുരക്ഷിതമായി ലാന്ഡ് ചെയ്തു. ബെംഗളൂരുവിൽ ഇറക്കി ഇന്ധനം നിറച്ചതിനു ശേഷം മറ്റു പ്രശ്നങ്ങളൊന്നും കൂടാതെ തിരിച്ച് ചെന്നൈയിൽ തിരിച്ചിറക്കി.
SUMMARY: Pilot with May Day message; The IndiGo flight made an emergency landing at Bengaluru
WhatsApp
Telegram
