ന്യൂഡല്ഹി: ഡല്ഹി -ഡെറാഡൂണ് ആറുവരി എക്സ്പ്രസ് പാത നാളെ പ്രധാനമന്ത്രി നരേന്ദ്ര മോദി രാഷ്ട്രത്തിന് സമര്പ്പിക്കും. ഇതോടെ, നിലവില് ആറര മണിക്കൂറുള്ള യാത്രാസമയം രണ്ടര മണിക്കൂറായി കുറയും. ഏകദേശം 12,000 കോടി രൂപ ചെലവില് നിര്മിച്ച ആറുവരി പാത അക്ഷര്ധാം ക്ഷേത്രത്തിനടുത്തു നിന്നു തുടങ്ങി, ഉത്തര്പ്രദേശിലെ ബാഗ്പത്, ബറൗട്ട്, ഷാംലി, സഹാറന്പുര് തുടങ്ങിയ സ്ഥലങ്ങളിലൂടെയാണു കടന്നു പോകുന്നത്. 210 കിലോമീറ്ററാണ് എക്സ്പ്രസ് വേ. കാറുകള്ക്കു മണിക്കൂറില് 100 കിലോമീറ്ററാണു വേഗപരിധി. 7 ഇന്റര്ചേഞ്ചുകള്, 2 റെയില്വേ മേല്പാലങ്ങള്, 10 വലിയ പാലങ്ങള്, എന്നിവയാണു പ്രധാന സവിശേഷതകള്.
#WATCH | Uttarakhand | The Dehradun–Delhi Expressway, which is set to be inaugurated tomorrow by Prime Minister Narendra Modi, has an estimated total cost of around Rs 12,000 to Rs 13,000 crore.
The project also features Asia’s longest elevated wildlife corridor, spanning… pic.twitter.com/8kveULpdDl
— ANI (@ANI) April 13, 2026
പാത തുറക്കുന്നതോടെ ഡല്ഹി ഹരിദ്വാര് യാത്രാ സമയം 5 മണിക്കൂറില് നിന്ന് ഏകദേശം 2 മണിക്കൂറായി കുറയും. ഹരിദ്വാറിലേക്കു പ്രത്യേക പാതയ്ക്കായി ചാര് ധാം ഹൈവേ ശൃംഖലയുമായും എക്സ്പ്രസ് വേ ബന്ധിപ്പിക്കുന്നുണ്ട്. ഡല്ഹി ഉത്തരാഖണ്ഡ് യാത്രാസമയം ഗണ്യമായി കുറയ്ക്കാന് സഹായിക്കുന്ന പാത യാത്രക്കാര്ക്കും വിനോദസഞ്ചാരികള്ക്കും ഒരേപോലെ ഗുണം ചെയ്യും.
After Assam, the next big Congress Vs BJP state is Uttarakhand.
The long-awaited Delhi–Dehradun Expressway, which people have been waiting for years, will be inaugurated tomorrow by PM Narendra Modi.
— News Algebra (@NewsAlgebraIND) April 13, 2026
പാതയിലെ രാജാജി ദേശീയോദ്യാനത്തിലൂടെയുള്ള 12 കിലോമീറ്റര് വന്യജീവികളെ ഉപദ്രവിക്കാതെ വാഹനങ്ങള്ക്കു കടന്നുപോകാനുള്ള തരത്തിലാണു എക്സപ്രസ് വേ. 12 കിലോമീറ്റര് എലിവേറ്റഡ് പാതയാണ് ഇവിടെ നിര്മിച്ചിരിക്കുന്നത്. വന്യജീവി സഞ്ചാരം തടസ്സമില്ലാതെ സാധ്യമാക്കാനാണിത്. പാരിസ്ഥിതിക ആഘാതം കുറയ്ക്കാനും സുരക്ഷ വര്ധിപ്പിക്കാനും 200 മീറ്റര് വീതമുള്ള രണ്ട് ആനത്താരകള് മൃഗങ്ങള്ക്കു കടന്നുപോകാന് 6 പ്രത്യേക പാതകളും ഇതില് ഉള്പ്പെടുന്നു.
SUMMARY: PM to inaugurate Delhi-Dehradun Expressway tomorrow
