ബെംഗളൂരു: സ്വകാര്യ ബസ് മിനി വാനുമായി കൂട്ടിയിടിച്ചുണ്ടായ അപകടത്തിൽ മൂന്ന് പേർ മരിച്ചു. ദാവൻഗെരെ മായക്കൊണ്ട താലൂക്കിലെ ആട്ടിഗെരെ ഗ്രാമത്തിന് സമീപം ദേശീയപാത 76-ൽ ശനിയാഴ്ചയാണ് അപകടമുണ്ടായത്. ബെളഗാവി കാഗ്‌വാഡ് താലൂക്കിലെ ഷിരഗുപ്പ ഗ്രാമത്തിലെ ബസവരാജപ്പ (38), വിജയ് കുമാർ (35), ശ്രീധർ (32) എന്നിവരാണ് മരിച്ചത്.
ദാവൻഗെരെയിൽ നിന്ന് സന്തേബെന്നൂരിലേക്ക് പോകുവേയാണ് വാൻ അപകടത്തിൽ പെട്ടത്. എതിർദിശയിൽ നിന്ന് വന്ന ബസ് വാനുമായി കൂട്ടിയിടിക്കുകയായിരുന്നു. അപകടത്തിൽ രണ്ട് പേർക്ക് പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചു. മരിച്ചവരുടെ മൃതദേഹങ്ങൾ പോസ്റ്റ്‌മോർട്ടത്തിനായി ദാവൻഗെരെ ചിറ്റഗേരിയിലെ സർക്കാർ ആശുപത്രിയിലേക്ക് മാറ്റി. സംഭവത്തിൽ മായകൊണ്ട പോലീസ് കേസെടുത്തു.
TAGS: ACCIDENT | KARNATAKA
SUMMARY: Three dead, two injured as mini van collides with pvt bus
