കോട്ടയം; കോണ്‍ഗ്രസ്‌ സമീപിച്ചാല്‍ നിയമസഭാ തിരഞ്ഞെടുപ്പില്‍ പാലക്കാട് മണ്ഡലത്തില്‍ സ്ഥാനാർഥിയായി നിക്കുമെന്ന് രമേഷ് പിഷാരടി. തന്റെ പേര് പരിഗണിക്കുന്നതില്‍ സന്തോഷമുണ്ടെന്നും നടൻ പറഞ്ഞു. ഇതുമായി ബന്ധപ്പെട്ട് ചർച്ചകള്‍ ഉണ്ടായിട്ടില്ല. കഴിഞ്ഞ തവണയും പേര് പരിഗണിച്ചതായി വാർത്തകള്‍ വന്നിരുന്നുവെന്നും പിഷാരടി പറഞ്ഞു.
10 വർഷം കേന്ദ്രത്തിലും കേരളത്തിലും അധികാരത്തില്‍ ഇല്ലാതിരുന്നപ്പോഴും കോണ്‍ഗ്രസ്‌ ആണെന്ന് പറഞ്ഞ് നിന്നതുകൊണ്ടാകാം പരിഗണനയെന്നും പിഷാരടി പറഞ്ഞു. ഉറച്ച നിലപാടിന് ലഭിക്കുന്ന അംഗീകരമായി അതിനെ കരുതുന്നു. ഭാരത് ജോഡോ യാത്രയ്ക്ക് പോയ ഏക സിനിമക്കാരൻ താനായിരുന്നുവെന്നും രമേശ് പിഷാരടി പറഞ്ഞു.
പാലക്കാട് താൻ ജനിച്ച നാടാണെന്നും രമേശ് പിഷാരടി പറഞ്ഞു. അവിടെ സൗഹൃദങ്ങളും ബന്ധങ്ങളും ഉണ്ട്. സ്ഥാനാർഥിത്വം സംബന്ധിച്ച്‌ നേതൃത്വം ആവശ്യപ്പെട്ടാല്‍ അതിനനുസരിച്ച്‌ തീരുമാനമെടുക്കും. ഇനി ആവശ്യപ്പെട്ടില്ലെങ്കിലും പരാതികളില്ലെന്നും മണ്ഡലങ്ങളില്‍ പ്രചാരണത്തിനിറങ്ങുമെന്നും രമേശ് പിഷാരടി പറഞ്ഞു.
SUMMARY: Ready to contest if the party suggests’; Ramesh Pisharody does not rule out candidacy
