പാൽഘർ: മഹാരാഷ്ട്രയിലെ പാൽഘർ ജില്ലയിലെ റബ്ബർ നിർമ്മാണ പ്ലാന്റിൽ മതിൽ ഇടിഞ്ഞുവീണ് മൂന്ന് തൊഴിലാളികൾക്ക് ദാരുണാന്ത്യം.
പാലി പോഷേരി ഗ്രാമത്തിലെ വിക്രംഗഡ്-വാഡ റോഡിനോട് ചേര്ന്നുള്ള ടിന റബര് ഫാക്ടറിയില് രാവിലെ 10 മണിയോടെയാണ് അപകടമുണ്ടായത്. കേശവ് ഗുംഗുന (55), രഞ്ജന കോംബ് (35), മീര ഗവാളി (60) എന്നിവരാണ് മരിച്ചത്.
ഭാരമേറിയ ചാക്കുകള് അടുക്കിവെച്ചത് മതില് തകരാന് കാരണമായെന്നാണ് പ്രാഥമിക നിഗമനം. അപകടം നടക്കുമ്പോള് മൂവരും സ്റ്റോര് റൂമില് ഇരുന്ന് പ്രഭാതഭക്ഷണം കഴിക്കുകയായിരുന്നുവെന്ന് പാല്ഘര് ദുരന്തനിവാരണ ഓഫീസര് വിവേകാനന്ദ് കദം പറഞ്ഞു. ഇവര് കെട്ടിടാവശിഷ്ടങ്ങള്ക്കിടയില് കുടുങ്ങുകയായിരുന്നു. രക്ഷാപ്രവര്ത്തകര് ഇവരെ സമീപത്തെ ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നതായി അധികൃതര് പറഞ്ഞു.
SUMMARY: Three laborers died when the wall of the rubber factory collapsed
