ബെംഗളൂരു: കെഎൻഎസ്എസ് മൈസൂരു കരയോഗം കുടുംബസംഗമം സംഘടിപ്പിച്ചു. കേരളസമാജം ഹാളിൽ സംഘടിപ്പിച്ച കുടുംബ സംഗമം കെ എൻ എസ് എസ് ചെയർമാൻ ആർ. മനോഹരക്കുറുപ്പ് ഉദ്ഘാടനം ചെയ്തു. ജോയിന്റ് ജനറൽ സെക്രട്ടറി സി ജി ഹരികുമാർ, എം എം ഈ ടി സ്കൂൾ വൈസ് പ്രസിഡന്റ്‌ ആർ. ശ്രീനിവാസ്, കെ എൻ എസ് എസ് വൈസ് ചെയർമാൻ ജി മോഹന കുമാർ, കരയോഗം പ്രസിഡന്റ്‌ രവീന്ദ്രൻ നായർ, ജോയിന്റ് സെക്രട്ടറി ജയപ്രകാശ്, ട്രഷറര്‍ രാജഗോപാൽ, മഹിളാ വിഭാഗം ചന്ദനയുടെ പ്രസിഡന്റ്‌ ലതാ കൃഷ്ണദാസ്, സെക്രട്ടറി ഷൈന നമ്പ്യാർ, ട്രഷറര്‍ ഷിംന ഉമേഷ്‌, കുടുംബ സംഗമം കൺവീനർ കെ ഗോപാലകൃഷ്ണൻ എന്നിവർ പങ്കെടുത്തു. ഉന്നത വിജയം നേടിയ വിദ്യാർത്ഥികൾക്കും, പൂക്കള, ഡ്രോയിങ് മത്സരങ്ങളിൽ വിജയം നേടിയവരെയും, ആദരിച്ചു. വിഭവ സമൃദ്ധമായ സദ്യയും, കുടുംബാംഗങ്ങളുടെ കലാപരിപാടികളും ഉണ്ടായിരുന്നു.
