ബെംഗളൂരു: കുശാൽനഗറിനടുത്തുള്ള ഹെരൂർ ഹാരങ്കി കായലിൽ കുളിക്കാനിറങ്ങിയ രണ്ട് വിദ്യാർത്ഥികൾ മുങ്ങിമരിച്ചു. ബുധനാഴ്ച രാത്രിയാണ് സംഭവം. ഹെബ്ബെട്ടഗേരി ഗ്രാമത്തിലെ പാണ്ടിര പൂവയ്യയുടെ മകൻ ചങ്ങപ്പ (17), കല്ലൂർ ഗ്രാമത്തിലെ ചന്നപാണ്ട തിമ്മയ്യയുടെ മകൻ തരുൺ തിമ്മയ്യ (17) എന്നിവരാണ് മരിച്ചത്. ഇരുവരും മടിക്കേരിയിലെ കോളേജിൽ ഒന്നാം വർഷ പിയു വിദ്യാർത്ഥികളാണ്.
സുണ്ടികൊപ്പ പോലീസ് പരിധിയിലാണ് സംഭവം. കുശാൽനഗറിൽ നിന്നുള്ള പോലീസ് ഉദ്യോഗസ്ഥരും ഫയർ ആൻഡ് എമർജൻസി സർവീസ് ജീവനക്കാരും ദുബാരെ റാഫ്റ്റിംഗ് ടീമും ചേർന്ന് വിദ്യാർത്ഥികൾക്കായി തിരച്ചിൽ നടത്തി. വൈകുന്നേരത്തോടെ ചങ്ങപ്പയുടെ മൃതദേഹം കണ്ടെടുത്തു. തരുൺ തിമ്മയ്യക്കായി രാത്രി വൈകിയും തിരച്ചിൽ തുടരുകയാണ്.
SUMMARY: Two students drown while bathing in a lake
