തിരുവനന്തപുരം : അൾട്രാവയലറ്റ് വികിരണത്തോത് ഉയരുന്ന സാഹചര്യത്തില് സംസ്ഥാനത്ത് ഇന്ന് മൂന്ന് ജില്ലകളില് ദുരന്ത നിവാരണ അതോറിറ്റി ഓറഞ്ച് അലർട്ട് നല്കി. കോട്ടയം, ഇടുക്കി, മലപ്പുറം ജില്ലകളിലാണ് അലര്ട്ട്. ഇവിടങ്ങളില് വികിരണത്തോത് 8,9 പോയിന്റുകളിലെത്തിയിരുന്നു. ഗൗരവതരമായ മുൻകരുതലുകൾ സ്വീകരിക്കേണ്ട സാഹചര്യത്തെയാണ് ഓറഞ്ച് അലർട്ട് എന്നതുകൊണ്ട് ഉദ്ദേശിക്കുന്നത്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, തൃശൂർ, പാലക്കാട്,കോഴിക്കോട് ജില്ലകളിൽ യെല്ലോ അലർട്ടാണ്. തുടർച്ചയായി കൂടുതൽ സമയം അൾട്രാവയലറ്റ് രശ്മികൾ ശരീരത്തിൽ ഏൽക്കുന്നത് സൂര്യാതപത്തിനും ത്വക്ക് രോഗങ്ങൾക്കും നേത്രരോഗങ്ങൾക്കും മറ്റ് ആരോഗ്യപ്രശ്നങ്ങൾക്കും കാരണമായേക്കാമെന്നും പൊതുജനങ്ങൾ സുരക്ഷാമുൻകരുതലുകൾ സ്വീകരിക്കണമെന്നും ദുരന്ത നിവാരണ അതോറിറ്റി അറിയിച്ചു.
<br>
TAGS : ULTRAVIOLET RADIATION
SUMMARY : Ultraviolet radiation levels rise: Orange alert in three districts
WhatsApp
Telegram
