ചെന്നൈ: തമിഴ്നാട് നിയമസഭയില് നടന്ന നിര്ണ്ണായകമായ വിശ്വാസ വോട്ടെടുപ്പില് മുഖ്യമന്ത്രി സി. ജോസഫ് വിജയ് മികച്ച വിജയം സ്വന്തമാക്കി. 234 അംഗങ്ങളുള്ള നിയമസഭയില് കേവല ഭൂരിപക്ഷത്തിന് 118 വോട്ടുകള് വേണമെന്നിരിക്കെ 144 എംഎല്എമാരുടെ പിന്തുണയോടെയാണ് വിജയ് സര്ക്കാര് അധികാരം ഉറപ്പിച്ചത്.
എന്നാല് ഡിഎംകെ (DMK), ഡിഎംഡികെ (DMDK) എന്നീ പാര്ട്ടികളിലെ അംഗങ്ങള് സഭയില് നിന്ന് ഇറങ്ങിപ്പോയതോടെ പ്രതിപക്ഷ നിരകള് ഒഴിഞ്ഞുകിടക്കുന്ന സാഹചര്യത്തിലാണ് വോട്ടെടുപ്പ് നടന്നത്. നാല് പിഎംകെ (PMK) എംഎല്എമാരും ഒരു ബിജെപി (BJP) എംഎല്എയും വോട്ടെടുപ്പില് നിന്ന് വിട്ടുനിന്നു.
തിരുപ്പത്തൂര് മണ്ഡലത്തില് നിന്നുള്ള ടിവികെ (TVK) എംഎല്എ ആര്. സീനിവാസ സേതുപതിയെ വോട്ടെടുപ്പില് പങ്കെടുക്കുന്നതില് നിന്ന് മദ്രാസ് ഹൈക്കോടതി തടഞ്ഞിരുന്നു. ഡിഎംകെ നേതാവ് കെ.ആര്. പെരിയകറുപ്പന് നല്കിയ ഹര്ജിയിലായിരുന്നു കോടതിയുടെ ഈ ഇടക്കാല ഉത്തരവ്. ഈ നിയമതടസ്സം നിലനില്ക്കെത്തന്നെയാണ് വിജയ് സഭയില് ഭൂരിപക്ഷം തെളിയിച്ചത്.
SUMMARY: Vijay makes waves in trust vote; proves majority with support of 144 votes
