ചെന്നൈ: ആരാധകർ ഏറെ ആകാംഷയോടെ കാത്തിരിക്കുന്ന വിജയ്യുടെ അവസാന ചിത്രമായ ‘ജനനായകൻ’ ഉടൻ തിയറ്ററുകളില് എത്തിയേക്കുമെന്ന് റിപ്പോർട്ട്. ചിത്രത്തിന് സെൻസർ ബോർഡിന്റെ എ സർട്ടിഫിക്കറ്റ് ലഭിച്ചെന്ന റിപ്പോർട്ടുകളാണ് പുറത്തുവരുന്നത്. സെൻസറിംഗ് പൂർത്തിയായതോടെ ജനനായകൻ ഈ മാസം അവസാനത്തോടെ തന്നെ തിയറ്ററുകളില് റിലീസ് ചെയ്യാനുള്ള ഒരുക്കത്തിലാണ് അണിയറപ്രവർത്തകർ.
നേരത്തെ ജനുവരിയില് പൊങ്കല് റിലീസായി തിയറ്ററുകളില് എത്തേണ്ടിയിരുന്ന ചിത്രമായിരുന്നു ഇത്. എന്നാല് സെൻസർ സർട്ടിഫിക്കറ്റ് നല്കാൻ ബോർഡ് വിസമ്മതിച്ചതോടെ സിനിമയുടെ റിലീസ് അനിശ്ചിതത്വത്തിലാവുകയായിരുന്നു. ഇതിനെതിരെ നിർമാതാക്കള് കോടതിയെ സമീപിച്ചെങ്കിലും പിന്നീട് കേസ് പിൻവലിച്ച് സെൻസർ ബോർഡിന്റെ നടപടികള് തുടരട്ടെയെന്ന് വ്യക്തമാക്കി.
ഈ പ്രതിസന്ധികളെയല്ലാം മറികടന്നാണ് ചിത്രം ഇപ്പോള് റിലീസിന് ഒരുങ്ങുന്നത്. ഔദ്യോഗിക റിലീസ് തീയതി ഉടൻ പ്രഖ്യാപിച്ചേക്കുമെന്നാണ് സൂചന.
SUMMARY: Vijay’s ‘Jananayakan’ heading to theatres; release date to be announced soon.
