തിരുവനന്തപുരം: കുംഭമേളയിലെ വൈറൽ താരത്തിന്റെ വിവാഹം റിയൽ കേരളാ സ്‌റ്റോറി തന്നെ ആണെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദൻ. കേരളത്തിൽ വിവാഹം കഴിക്കാൻ സാഹചര്യമുണ്ട് എന്നറിഞ്ഞ് യുവതിയും യുവാവും കേരളത്തിലെ പോലീസ് സ്റ്റേഷനിൽ വരികയായിരുന്നു. രേഖകൾ പരിശോധിച്ചാണ് വിവാഹം നടത്തിയത് എന്ന് അദ്ദേഹം പറഞ്ഞു.
പെൺകുട്ടിയ്ക്ക് പ്രായപൂർത്തിയായോ എന്ന കാര്യമൊക്കെ പോലീസ് അന്വേഷിക്കട്ടെ, അവരുടെ കൈയ്യിലുണ്ടായിരുന്ന രേഖകളിൽ പ്രായപൂർത്തിയായതിന് തെളിവുണ്ട്. അതെല്ലാം പരിശോധിക്കുകയും ചെയ്തിരുന്നു. കേസ് വരുമ്പോൾ മാളത്തിൽ ഒളിക്കുന്നവരല്ല ഞങ്ങൾ എം വി ഗോവിന്ദൻ പറഞ്ഞു. അതേസമയം, കുംഭമേള വൈറൽ താരത്തിന്റെ വിവാഹത്തില്‍ ഒരു വീഴ്ചയും പോലീസിന്‍റെ ഭാഗത്ത് നിന്ന് ഉണ്ടായിട്ടില്ലെന്നാണ് പോലീസ് റിപ്പോർട്ട്. പെൺകുട്ടി ഹാജരാക്കിയ ആധാർ കാർഡ് യഥാർത്ഥത്തിൽ ഉള്ളതാണ് എന്നാണ് പോലീസിന്‍റെ കണ്ടെത്തല്‍.
SUMMARY: Viral girl’s marriage at Kumbh Mela; MV Govindan says marriage was conducted after checking Aadhaar card and documents
