മുണ്ടക്കൈ ഉരുള്പൊട്ടലില് മരിച്ചവരുടെ എണ്ണം 280 ആയി ഉയർന്നു. 200 പേരെയാണ് കാണാതായത്. ഇവരില് 29 പേർ കുട്ടികളാണ്. 100 പേരെയാണ് തിരിച്ചറിഞ്ഞത്. 234 പേരെ ആശുപത്രിയിലെത്തിച്ചു. 142 പേരെയാണ് ക്യാമ്പുകളിലേക്ക് മാറ്റിയത്. വീടുകള് ഉള്പ്പെടെ 348 കെട്ടിടങ്ങളെ ഉരുള്പൊട്ടല് ബാധിച്ചതായാണ് വിവരം.
അതേസമയം പ്രദേശത്ത് തിരച്ചില് തുടരുകയാണ്. കെട്ടിടാവശിഷ്ടങ്ങള്ക്കിടയില് പരിശോധന ഊർജിതമാക്കി. കോണ്ക്രീറ്റ് പാളികള് പൊളിച്ച് ഇവിടങ്ങളില് ആരെങ്കിലും കുടുങ്ങികിടക്കുന്നുണ്ടോ എന്ന് പരിശോധിക്കുന്നുണ്ട്. ഹിറ്റാച്ചികള് എത്തിച്ചാണ് തിരച്ചില് നടത്തുന്നത്. എന്നാല് രക്ഷാപ്രവർത്തനത്തിന് പ്രതിസന്ധി തീർത്ത് പ്രദേശത്ത് മഴ ശക്തമായി.
താല്കാലിക പാലത്തിന് നിയന്ത്രണമേർപ്പെടുത്തുകയും ആളുകളെ കടത്തിവിടുന്നത് നിർത്തുകയും ചെയ്തു. മഴയെ തുടര്ന്ന് പുഞ്ചിരിമട്ടത്ത് തിരച്ചില് നിര്ത്തി. മുഖ്യമന്ത്രി പിണറായി വിജയന് ഉരുള്പൊട്ടല് നാശം വിതച്ച സ്ഥലം സന്ദര്ശിച്ചു. ബെയ്ലി പാല നിര്മ്മാണത്തത്തിന്റെ അവസാനഘട്ട പ്രവര്ത്തനങ്ങള് മുഖ്യമന്ത്രി വിലയിരുത്തി. ദുരന്തമുഖം സന്ദര്ശിക്കുന്നതിന് മുമ്പായി വയനാട് കളക്ടറേറ്റില് മുഖ്യമന്ത്രിയുടെ അധ്യക്ഷതയില് സര്വകക്ഷി യോഗം ചേര്ന്നിരുന്നു.
TAGS : WAYANAD LANDSLIDE | DEATH
SUMMARY : Wayanad landslide; Death passed 280
