തിരുവനന്തപുരം: ആറ്റുകാലില് ഭർതൃപീഡനത്തെ തുടർന്ന് യുവതി വാടകവീട്ടില് ജീവനൊടുക്കി. വർക്കല വടശ്ശേരിക്കോണം സ്വദേശിനിയായ ആരതി (27) ആണ് ചിറമുക്കിലെ വാടകവീട്ടില് ആത്മഹത്യ ചെയ്തത്. യുവതി ആത്മഹത്യ ചെയ്തത് ഭർത്താവിൻ്റെ പീഡനത്തെ തുടർന്നാണെന്ന് ബന്ധുക്കള് ആരോപിച്ചു.
ആരതിയുടെ കഴുത്തിലും കൈയിലുമായി നഖം കൊണ്ട് മുറിഞ്ഞ പാടുകള് കണ്ടെത്തി. ഇന്നലെ വൈകിട്ടോടെയായിരുന്നു സംഭവം. ഇതിനിടെ ആരതിയുടെ ആത്മഹത്യാക്കുറിപ്പ് പോലീസിന് ലഭിച്ചു. ഇതില് നിർണായക വിവരങ്ങള് ഉള്ളതായാണ് വിവരം. ആരതി ആത്മഹത്യ ചെയ്യുന്ന സമയം അതുല് വീട്ടില് ഉണ്ടായിരുന്നു എന്ന് അയല്വാസികള് പറഞ്ഞു.
ഈഞ്ചക്കല് ഉള്ള സുഹൃത്തിനെ വിളിച്ചു വരുത്തി, ഇയാളാണ് ആത്മഹത്യ വിവരം പൊലീസിനെ അറിയിച്ചത്. പോലീസ് എത്തിയ ശേഷം രാത്രിയിലാണ് വാതില് തുറന്നത്. ഈ സമയം ആരതി മരിച്ചിരുന്നുവെന്ന് അയല്വാസികള് പറഞ്ഞു. അതേസമയം കേരള വനിതാ കമ്മീഷൻ സ്വമേധയാ കേസെടുത്തു. സംഭവത്തെ കുറിച്ച് അന്വേഷണം നടത്തി റിപ്പോർട്ട് സമർപ്പിക്കാൻ പോലീസിനോട് ആവശ്യപ്പെട്ടു.
SUMMARY: Woman commits suicide in Attukal; Complaint alleges harassment by husband
