ബെംഗളൂരു: കുംഭമേള പ്രമാണിച്ച് ബെംഗളൂരു – പ്രയാഗ് രാജ് റൂട്ടിൽ സ്പെഷ്യൽ ട്രെയിൻ അനുവദിച്ചതായി ദക്ഷിണ പശ്ചിമ റെയിൽവേ (എസ്ഡബ്ല്യൂആർ) അറിയിച്ചു. ട്രെയിൻ നമ്പർ 06577 കുംഭമേള എക്‌സ്‌പ്രസ് സ്പെഷ്യൽ എസ്എംവിടി ബെംഗളൂരുവിൽ നിന്ന് ജനുവരി 8ന് രാത്രി 11.50 ന് പുറപ്പെട്ട് ജനുവരി 10ന് വൈകീട്ട് 5.15 ന് പ്രയാഗ്‌രാജിൽ എത്തിച്ചേരും.
വൈറ്റ്ഫീൽഡ്, ബംഗാർപേട്ട്, ജോലാർപേട്ട, കാട്പാടി, പെരമ്പൂർ, ഗുഡൂർ, വിജയവാഡ, വാറംഗൽ, ബൽഹർഷ, ചന്ദ്രപുർ, സേവാഗ്രാം, നാഗ്പുർ, ഇറ്റാർസി, ജബൽപുർ, സത്ന, മണിക്പുർ എന്നിവിടങ്ങളിൽ സ്റ്റോപ്പുകളുണ്ട്. 14 ജനറൽ സെക്കൻഡ് ക്ലാസ് കോച്ചുകൾ, നാല് സ്ലീപ്പർ കോച്ചുകൾ, രണ്ട് ലഗേജ് കം ബ്രേക്ക് വാനുകൾ എന്നിവയുൾപ്പെടെ 20 കോച്ചുകൾ ട്രെയിനിലുണ്ടാകും.
TAGS: BENGALURU | SPECIAL TRAIN
SUMMARY: Special Kumbh Mela Express will depart from Bengaluru on Jan 8
