ബെംഗളൂരു: ബെംഗളൂരു കെംപെഗൗഡ രാജ്യാന്തര വിമാനത്താവളത്തിലെ സുരക്ഷ ജീവനക്കാരനെ കുത്തിക്കൊന്നു. രാമകൃഷ്ണ (48) ആണ് കൊല്ലപ്പെട്ടത്. സംഭവത്തിൽ പ്രതിയായ രമേഷിനെ എയർപോർട്ട് പോലീസ് അറസ്റ്റ് ചെയ്തു.
ദേവനഹള്ളിയിലെ ടെർമിനൽ ഒന്നിന് സമീപത്താണ് സംഭവമുണ്ടായത്. ഭാര്യയുമായി അവിഹിതബന്ധം ഉണ്ടെന്ന സംശയത്തെ തുടർന്നാണ് കൊലപാതകമെന്നാണ് വിവരം. രമേഷും രാമകൃഷ്ണയും തുമകുരു മധുഗിരി താലൂക്ക് സ്വദേശികളാണ്.
ജോലിക്കിടെ രാമകൃഷ്ണക്കടുത്തെത്തിയ രമേഷ് സംസാരിക്കാനുണ്ടെന്ന് പറഞ്ഞ് ടെർമിനലിന് സമീപത്തെ ശുചിമുറിക്ക് അടുത്തേക്ക് ഇയാളെ കൊണ്ടുപോകുകയായിരുന്നു. തുടർന്നുണ്ടായ വാക്കുതർക്കത്തിനൊടുവിൽ രമേഷ് യുവാവിനെ കൊലപ്പെടുത്തുകയായിരുന്നു.
TAGS: KARNATAKA | CRIME
SUMMARY: Bengaluru airport security staffer killed
