യു.എസ് നഗരമായ മിനിയപൊളിസില് ഉണ്ടായ വെടിവയ്പ്പില് പോലീസ് ഓഫിസറും അക്രമിയും ഉള്പ്പെടെ 3 പേർ കൊല്ലപ്പെട്ടു. ജമാല് മിച്ചല് എന്ന 28 കാരനായ പോലീസ് ഓഫീസറും ഒരു സാധാരണക്കാരനും കൊല്ലപ്പെട്ടവരില് ഉള്പ്പെടും. അക്രമിയെ പോലീസ് പിന്നീട് വെടിവച്ച് കീഴ്പ്പെടുത്തുകയായിരുന്നു.
ആക്രമണത്തില് മറ്റൊരു പോലീസ് ഓഫീസർക്കും അഗ്നിശമന സേനാംഗത്തിനും ഒരു സാധാരണക്കാരനും പരിക്കേറ്റിട്ടുണ്ട്. മിനിയപൊളിസ് ഇൻസ്റ്റിറ്റ്യൂട്ട് ഓഫ് ആർട്ടും മിനിയപൊളിസ് കോളേജ് ഓഫ് ആർട് ആൻഡ് ഡിസൈനും സ്ഥിതി ചെയ്യുന്നതിന്റെ സമീപത്തായാണ് വെടിവയ്പ്പ് ഉണ്ടായത്. ആക്രമണത്തില് മിനിയപൊളിസ് മേയർ ജേക്കബ് ഫ്രേ അനുശോചനമറിയിച്ചു.
