കണ്ണൂർ: കണ്ണൂർ കൊയ്യത്ത് ബസ് മറിഞ്ഞ് അപകടം. കൊയ്യം മർക്കസിന്റെ ബസാണ് അപകടത്തിൽപെട്ടത്. ബസിലുണ്ടായിരുന്ന നാല് മുതിർന്നവരും വിദ്യാർഥികളും ഉൾപ്പടെ 32 പേർക്ക് പരുക്കേറ്റിട്ടുണ്ട്. വളവിൽ വെച്ചുണ്ടായ അപകടത്തിൽ ബസ് തലകീഴായി മറിയുകയായിരുന്നു. മർക്കസിലെ അധ്യാപകന്റെ മകന്റെ വിവാഹത്തിന് പോകുന്നതിനിടെയാണ് അപകടം. ഹോസ്റ്റലിൽ താമസിക്കുന്നവരാണ് ബസിലുണ്ടായിരുന്ന വിദ്യാർഥികളെല്ലാം. പരുക്കേറ്റവരെ കണ്ണൂരിലെ എകെജി ആശുപത്രി പ്രവേശിപ്പിച്ചു.
ഇതിന് പുറമെ മയ്യിൽ സർക്കാർ ആശുപത്രിയിലും പരുക്കേറ്റവരെ പ്രവേശിപ്പിച്ചിട്ടുണ്ട്. പരുക്കേറ്റവരുടെ ആരുടെയും നില ഗുരുതരമല്ലെന്നാണ് വിവരം. പോലീസും അഗ്നിരക്ഷാ സേനയും രക്ഷാപ്രവർത്തനത്തിന് നേതൃത്വം നൽകി.
TAGS: KERALA | ACCIDENT
SUMMARY: Over 32 injured in bus accident in Kannur
