കുറഞ്ഞത്‌ ഈ മോഡലുകൾക്ക്‌

മുംബൈ: കേന്ദ്ര ബജറ്റിൽ ധനമന്ത്രി നിര്‍മല സീതാരാമന്‍ മൊബൈല്‍ ഫോണുകളുടെ അടിസ്ഥാന കസ്റ്റംസ് നികുതിയില്‍ ഇളവ് പ്രഖ്യാപിച്ചതിന് പിന്നാലെ ആപ്പിള്‍ ഐഫോണുകളുടെ വിലകുറച്ചു;  സ്‌മാർട്ട്‌ഫോണുകളുടെ അടിസ്ഥാന കസ്റ്റംസ് തീരുവ 20 ശതമാനത്തിൽ നിന്ന് 15 ശതമാനമായി കുറച്ചതിന്‌ പിന്നാലെയാണ്‌ ആപ്പിള്‍ വിലക്കുറവ്‌ പ്രഖ്യാപിച്ചത്‌. ആപ്പിളിന്റെ പ്രൊ, പ്രൊ മാക്‌സ് മോഡലുകള്‍ ഒഴിച്ച് ബാക്കിയെല്ലാം ഇന്ത്യയിലാണ് നിര്‍മിക്കുന്നത്. ഇവയ്ക്ക് വിലകുറയാന്‍ ഇത് സഹായിക്കും.

ഐഫോൺ 15, ഐഫോൺ 15 പ്ലസ് മോഡലുകൾക്ക് 300 രൂപ കുറഞ്ഞു. ഐഫോൺ 15 വില 128 ജിബി മോഡലിന്‌ 79,900 ൽനിന്നും 79,600 ആയി. 15 പ്ലസിന്‍റെ വില 89,600 ആയി. നേരത്തേ ഇത്‌ 89,900 ആയിരുന്നു.

ഐ ഫോൺ 14ന്‌ പുതിയ വില 128 ജിബിക്ക്‌ 69,600 ആണ്‌. മുമ്പ്‌ 69,900 ആയിരുന്നു. അതേ സമയം ടോപ്പ്‌ മോഡലുകൾക്ക്‌ 6000 രൂപവരെ വില കുറഞ്ഞു. ഐഫോൺ 15 പ്രോ മോഡലിന്‌ 1,34,900 ആയിരുന്നത്‌ 1,29,800 ആയി. 5,100 രൂപയുടെ കുറവ്‌. ഐഫോൺ 15 പ്രോ മാക്‌സിന്‌ 5900 ആണ്‌ കുറഞ്ഞത്‌. 1,59,900 രൂപ വിലയുണ്ടായിരുന്ന ഫോൺ ഇനി 1,54,000 രൂപയ്‌ക്ക്‌ വാങ്ങാം.