ബോക്സ് ഓഫീസില്‍ ചരിത്ര നേട്ടവുമായി പ്രഭാസ് നായകനായ ഇതിഹാസ ചിത്രം ‘കല്‍ക്കി 2898 എ.ഡി.’ ജൂണ്‍ 27ന് തീയറ്ററുകളില്‍ എത്തിയ ചിത്രം റെക്കോർഡ് ഓപ്പണിങ് കളക്ഷൻ സ്വന്തമാക്കിയിരുന്നു. ഇപ്പോഴിതാ മറ്റൊരു റെക്കോർഡും സ്വന്തമാക്കിയിരിക്കുകയാണ് ചിത്രം.
മൂന്ന് ദിവസംകൊണ്ട് ഈ വർഷത്തെ ഏറ്റവും ഉയർന്ന ബോക്സ് ഓഫീസ് കളക്ഷൻ നേടുന്ന ഇന്ത്യൻ ചിത്രമായി മാറിയിരിക്കുകയാണ് കല്‍ക്കി 2898 എ.ഡി. മൂന്ന് ദിവസത്തിനുള്ളില്‍ 415 കോടി രൂപയാണ് കല്‍ക്കിയുടെ വേള്‍ഡ് വൈഡ് ബോക്സ് ഓഫീസ് കളക്ഷൻ.
191 കോടി രൂപയാണ് കല്‍ക്കി ആദ്യ ദിവസം വേള്‍ഡ് വൈഡ് ബോക്സ് ഓഫീസ് കളക്ഷനായി നേടിയത്. ഇന്ത്യയില്‍ ആദ്യ ദിനം ഏറ്റവും കൂടുതല്‍ കളക്ഷൻ നേടുന്ന മൂന്നാമത്തെ ചിത്രമാണ് കല്‍ക്കി 2898 എഡി. കെജിഎഫ് ചാപ്റ്റർ 2-ൻ്റെ ആദ്യ ദിന കളക്ഷനായ 159 കോടി മറികടന്നാണ് കല്‍ക്കിയുടെ നേട്ടം.
TAGS : ENTERTAINMENT | FILMS | KALKI 2898 AD
SUMMARY : Kalki 2898 AD with historical achievement
