1 min.Read

നിർത്തിയിട്ട ബൈക്കുകൾ കത്തിച്ചു; ഒരാൾ പിടിയിൽ

September 24, 2024

ബെംഗളൂരു: റോഡരികിൽ നിർത്തിയിട്ട ബൈക്കുകൾ കത്തിച്ച യുവാവ് പിടിയിൽ. മഹാലക്ഷ്മി ലേഔട്ടിൽ താമസിക്കുന്ന പുൽകിത്താണ് (25) അറസ്റ്റിലായത്. വീടിന് സമീപത്തെ പിജിക്ക് മുമ്പിൽ നിർത്തിയിട്ട മൂന്ന് ബൈക്കുകളാണ് ഇയാൾ കത്തിച്ചത്. സാമ്പത്തിക പ്രശ്നങ്ങൾ കാരണം ഇയാൾക്ക് സ്വന്തമായി ബൈക്ക് വാങ്ങാൻ സാധിച്ചിരുന്നില്ല.

ഇതാണ് മറ്റ്‌ ബൈക്കുകൾ കത്തിക്കാൻ കാരണമായതെന്ന് പോലീസ് പറഞ്ഞു. പിജിയിൽ താമസിക്കുന്ന മിക്ക വിദ്യാർഥികളും വിലകൂടിയ ബൈക്കുകൾ റോഡരികിൽ പാർക്ക് ചെയ്തിരുന്നു. ഇതേതുടർന്നുള്ള അസൂയ കൊണ്ടാണ് ബൈക്ക് കത്തിക്കാൻ പ്രതി തീരുമാനിച്ചതെന്ന് പോലീസ് പറഞ്ഞു. പെട്രോൾ ഒഴിച്ചാണ് ഇയാൾ ബൈക്കുകൾ കത്തിച്ചത്. സംഭവത്തിൽ പീനിയ പോലീസ് കേസെടുത്തു.

TAGS: BENGALURU | ARREST
SUMMARY: Man arrested for setting fire to parked bikes in Bengaluru

ന്യൂസ് ബെംഗളൂരു ഡോട്ട് കോം വായനക്കാരുടെ ശ്രദ്ധയ്ക്ക്: അഭിപ്രായങ്ങളും പ്രതികരണങ്ങളും സ്വാഗതം ചെയ്യുന്നു. എന്നാൽ വിദ്വേഷം, വെറുപ്പ്, വ്യക്തിപരമായ അധിക്ഷേപം, തെറ്റായ വിവരങ്ങൾ എന്നിവ ഉൾപ്പെടുന്ന അഭിപ്രായങ്ങൾ അനുവദിക്കില്ല. എല്ലാ അഭിപ്രായങ്ങളും ഇന്ത്യൻ സൈബർ നിയമങ്ങൾക്കും കമ്മ്യൂണിറ്റി മാർഗ്ഗനിർദ്ദേശങ്ങൾക്കും വിധേയമായിരിക്കും. ന്യൂസ് ബെംഗളൂരു ഡോട്ട് കോമിന് അനുചിതമായ അഭിപ്രായങ്ങൾ നീക്കം ചെയ്യാനുള്ള അവകാശമുണ്ട്.