ബെംഗളൂരു: ബെംഗളൂരുവിൽ ജലനിരക്ക് വർധിപ്പിച്ച് ബിഡബ്ല്യൂഎസ്എസ്ബി. ലിറ്ററിന് ഒരു പൈസ വരെയാണ് വർധന. 11 വർഷത്തിനു ശേഷമാണ് നഗരത്തിൽ ജലനിരക്ക് വർധിപ്പിക്കുന്നത്. ഏപ്രിൽ പത്ത് മുതൽ വർധന പ്രാബല്യത്തിൽ വരും. ഉപഭോക്താക്കളിൽ നിന്നും മെയ് മാസത്തെ ബില്ലിൽ പുതുക്കിയ നിരക്ക് ഈടാക്കും.
ഗാർഹിക ഉപയോക്താക്കൾക്ക് 8,000 ലിറ്റർ വരെയുള്ള ഉപഭോഗത്തിന് ലിറ്ററിന് 0.15 പൈസയാണ് വർധിപ്പിച്ചത്. ഒരു ലക്ഷം ലിറ്റർ വരെയുള്ള ഉപയോഗത്തിന് ഒരു പൈസയാണ് വർധന. 2 ലക്ഷം ലിറ്റർ വരെ ഉപയോഗിക്കുന്ന ഉപയോക്താക്കളിൽ നിന്ന് 0.30 പൈസ അധികമായി ഈടാക്കും. ഉപഭോഗത്തിന്റെ അളവ് അനുസരിച്ച് ലിറ്ററിന് 1 പൈസയായി വരെ വർധിചേക്കും. വ്യാവസായിക, ബൾക്ക് ആവശ്യങ്ങൾക്ക് ലിറ്ററിന് 0.90 പൈസ മുതൽ 1.90 പൈസ വരെ നിരക്ക് വർധിപ്പിച്ചിട്ടുണ്ട്. വർദ്ധിച്ചുവരുന്ന പ്രവർത്തന ചെലവുകൾ സന്തുലിതമാക്കുകയാണ് നിരക്ക് വർധനയുടെ ലക്ഷ്യമെന്ന് ബിഡബ്ല്യൂഎസ്എസ്ബി ചെയർമാൻ രാം പ്രസാദ് മനോഹർ പറഞ്ഞു.
Bengaluru residents are bracing for a water tariff hike starting April 10, 2025. The Bangalore Water Supply and Sewerage Board (BWSSB) has proposed increasing water charges by one paisa per litre, marking the first tariff revision in 11 years.
This increase is expected to raise… pic.twitter.com/2VFXeXrPsK
— News9 (@News9Tweets) April 9, 2025
TAGS: BENGALURU | PRICE HIKE
SUMMARY: Water tariff revised in Bengaluru
