ബെംഗളൂരു: ബെംഗളൂരുവിൽ വരും ദിവസങ്ങളിൽ തണുപ്പ് വർധിക്കും. നിലവിലുള്ള ശരാശരി കുറഞ്ഞ താപനില സാധാരണയിലും താഴെ പോകുമെന്ന് കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. നഗരത്തിലെ രാത്രികാല താപനിലയിലും കാര്യമായ വ്യതിയാനം ഉണ്ടാകും.
14 വർഷം മുമ്പ് 2011 ഡിസംബർ 24നാണ് ബെംഗളൂരുവിൽ ഇതിന് മുമ്പ് ഏറ്റവും കുറഞ്ഞ തണുപ്പ് അനുഭവപ്പെട്ടത്. അന്ന് 12.8 ഡിഗ്രി സെൽഷ്യസ് ആയിരുന്നു താപനില. ചൊവ്വാഴ്ച രാത്രി നഗരത്തിലെ താപനില 12.8 ഡിഗ്രി സെൽഷ്യസിനും താഴെയായിരിക്കും. ബെംഗളൂരുവിൽ നിലവിൽ തണുപ്പ് അനുഭവപ്പെടുന്നതിന് കാരണം മഴയാണ്. കഴിഞ്ഞ ആഴ്ച്ചകളിൽ തീരത്ത് ന്യൂനമർദ്ദം മൂലമുണ്ടായ തുടർച്ചയായി പെയ്ത മഴയാണ് ഡിസംബറിലെ തണുത്ത കാലാവസ്ഥയ്ക്ക് കാരണമെന്ന് ഐഎംഡി പറഞ്ഞു.
TAGS: BENGALURU | COLD
SUMMARY: Bengaluru to get even more cold for upcoming days
