ജാർഖണ്ഡിൽ നിയന്ത്രണം വിട്ട ലോറി ജനക്കൂട്ടത്തിലേക്ക് പാഞ്ഞുകയറി; മൂന്ന് കുട്ടികളുമടക്കം ഏഴ് മരണം

ഖൂ​ണ്ടി: ജാ​ർ​ഖ​ണ്ഡി​ലെ ഖൂ​ണ്ടി ജി​ല്ല​യി​ൽ അ​മി​ത​വേ​ഗ​ത്തി​ലെ​ത്തി​യ 18 ച​ക്ര​ങ്ങ​ളു​ള്ള ട്ര​ക്ക് പാ​ഞ്ഞു​ക​യ​റി മൂ​ന്ന് കു​ട്ടി​ക​ളും മൂ​ന്നു സ്ത്രീ​ക​ളും ഉ​ൾ​പ്പെ​ടെ ഏ​ഴു​പേ​ർ മ​രി​ച്ചു. ഒ​രാ​ൾ​ക്ക് പ​രു​ക്കേ​റ്റു. വ്യാ​ഴാ​ഴ്ച രാ​ത്രി ക​രാ-​തോ​ർ​പ്പ റോ​ഡി​ലാ​യി​രു​ന്നു അ​പ​ക​ടം. ആ​റു​പേ​ർ സം​ഭ​വ​സ്ഥ​ല​ത്തു​ത​ന്നെ മ​രി​ച്ചു. ഒ​രാ​ൾ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ​യാ​ണ് മ​രി​ച്ച​ത്.

കലുങ്കിനടുത്ത് സ്കൂട്ടർ നിയന്ത്രണം വിട്ട് യാത്രക്കാരൻ കുറ്റിക്കാട്ടിലേക്ക് വീഴുകയായിരുന്നു. ഇതറിഞ്ഞ് സമീപത്തെ കോളനിയിൽനിന്ന് സ്ത്രീകളും കുട്ടികളുമടക്കം നിരവധി പേർ ഇയാളെ സഹായിക്കാനായി സ്ഥലത്തെത്തി. ഇതിനിടെയാണ് ടോർപ ഭാഗത്തുനിന്ന് അമിതവേഗത്തിലെത്തിയ ട്രക്ക് റോഡരികിൽ നിന്നവർക്കിടയിലേക്ക് പാഞ്ഞുകയറിയത്. ആറുപേർ സംഭവസ്ഥലത്തുതന്നെ മരിച്ചു.

ട്രക്ക് ഡ്രൈവർ മദ്യലഹരിയിലായിരുന്നുവെന്നാണ് നാട്ടുകാരുടെ ആരോപണം. അമിതവേഗത്തിലും അശ്രദ്ധമായും എത്തിയ ട്രക്ക് ആളുകൾക്കിടയിലേക്ക് ഇടിച്ചുകയറുകയായിരുന്നുവെന്നും നാട്ടുകാർ പറയുന്നു. അപകടത്തിന് പിന്നാലെ ഡ്രൈവറും സഹായിയും വാഹനമുപേക്ഷിച്ച് കടന്നുകളഞ്ഞു.
SUMMARY: In Jharkhand, a lorry lost control and plowed into a crowd; seven people, including three children, died.