ബെംഗളൂരു: നമ്മ മെട്രോയുടെ മൂന്നാംഘട്ട പദ്ധതിയിലെ 44.65 കിലോമീറ്റർ പാതയ്ക്ക് കേന്ദ്രമന്ത്രി സഭയുടെ അനുമതി. 15,611 കോടി രൂപ ചെലവ് പ്രതീക്ഷിക്കുന്ന പദ്ധതിയിൽ കെംപാപുര മുതൽ ജെ.പി. നഗർ ഫോർത്ത് ഫെയ്സ് വരെ 32.15 കിലോമീറ്റർ പാതയും ഹൊസഹള്ളി മുതൽ കഡബഗെരെ വരെയുള്ള 12.5 കിലോമീറ്റർ പാതയുമാണ് നിർമിക്കുന്നത്. കെംപാപുര – ജെ.പി. നഗർ ഫോർത്ത് ഫെയ്സ് പാതയിൽ 21 സ്റ്റേഷനുകളും ഹൊസഹള്ളി മുതൽ കഡബഗെരെ വരെയുള്ള പാതയിൽ 9 സ്റ്റേഷനുകളുമാണ് നിർമിക്കുക.
മൂന്നാംഘട്ട പാത കൂടി യാഥാർഥ്യമാകുന്നതോടെ നഗരത്തിലെ നമ്മമെട്രോ പാതയുടെ ദൈർഘ്യം 220.2 കിലോമീറ്ററായി വർധിക്കും. കേന്ദ്രാനുമതി ലഭിച്ചതോടെ ഭൂമി ഏറ്റെടുക്കൽ അടക്കമുള്ള പ്രാരംഭ പ്രവർത്തനങ്ങൾ ഉടൻ ആരംഭിക്കുമെന്നാണ് കരുതുന്നത്.
<br>
TAGS : NAMMA METEO | BENGALURU NEWS
SUMMARY : Metro Phase III; Central approval for 44.65 km road
