ന്യൂഡല്‍ഹി: വഖഫ് നിയമ ഭേദഗതിയെ ചോദ്യം ചെയ്തുള്ള 65ഓളം ഹർജികള്‍ ഇന്ന് സുപ്രീം കോടതി പരിഗണിക്കും. ഉച്ചക്ക് രണ്ടിന് ചീഫ് ജസ്റ്റിസ് സഞ്ജീവ് ഖന്നാ അധ്യക്ഷനായ മൂന്നംഗ ബെഞ്ചാണ് ഹരജികള്‍ പരിഗണിക്കുന്നത്. ജഡ്ജിമാരായ സഞ്ജയ് കുമാര്‍, കെ വിശ്വനാഥന്‍ എന്നിവരാണ് ബെഞ്ചിലെ മറ്റ് അംഗങ്ങള്‍. സിപിഐ എം പശ്‌ചിമ ബംഗാൾ സംസ്ഥാന സെക്രട്ടറിയും പൊളിറ്റ്‌ ബ്യൂറോ അംഗവുമായ മുഹമ്മദ്‌ സലിം ഉൾപ്പെടെയുള്ളവർ നൽകിയ 10 ഹർജികളാണ്‌ പരിഗണിക്കുക.
അതേസമയം, നിയമം റദ്ദാക്കരുതെന്നാവശ്യപ്പെട്ട് ബിജെപി ഭരിക്കുന്ന 6 സംസ്ഥാനങ്ങളും ഹിന്ദു സേനയടക്കമുള്ളവരും ഹർജികളില്‍ കക്ഷിചേരാന്‍ അപേക്ഷ നല്‍കിയിട്ടുണ്ട്. അസം, രാജസ്ഥാൻ, ഛത്തീസ്ഗഢ്, ഉത്തരാഖണ്ഡ്, ഹരിയാന, മഹാരാഷ്ട്ര സംസ്ഥാനങ്ങളാണ്‌ അപേക്ഷ നൽകിയത്‌. 1995ൽ പാസാക്കിയ വഖഫ് നിയമം റദ്ദാക്കണമെന്നാവശ്യപ്പെട്ട്‌ സംഘപരിവാർ അഭിഭാഷകൻ വിഷ്‌ണു ശങ്കർ ജെയിൻ പുതിയ ഹർജിയും നൽകിയിട്ടുണ്ട്‌.
<BR>
TAGS : WAQF BOARD AMENDMENT BILL
SUMMARY B: Waqf petitions will be heard today
