ബെംഗളൂരു: മഴക്കാലത്ത് നഗരത്തിലെ വിവിധ പ്രദേശങ്ങളിൽ പതിവായി ഉണ്ടാകുന്ന വെള്ളക്കെട്ടിന് പരിഹാരം കാണുന്നതിനായി ഏകദേശം 2,000 കോടി രൂപയുടെ മഴവെള്ളച്ചാൽ നവീകരണ പദ്ധതിക്ക് കർണാടക സർക്കാർ തുടക്കമിട്ടു. മഹാദേവപുര മണ്ഡലത്തിലെ ഗുഞ്ചൂരിൽ ഈ നവംബർ 17 നാണ് മുഖ്യമന്ത്രി ഡി.കെ. ശിവകുമാർ പദ്ധതിയുടെ പ്രവൃത്തികൾക്ക് തറക്കല്ലിട്ടത്.
ലോകബാങ്കിന്റെ സഹായത്തോടെയുള്ള കർണാടക വാട്ടർ സെക്യൂരിറ്റി ആൻഡ് ഡിസാസ്റ്റർ റെസിലിയൻസ് പദ്ധതിയുടെ ഭാഗമായാണ് നിർമാണ പ്രവർത്തനങ്ങൾ.
ഹെബ്ബാൾ, വൃഷഭാവതി, ചല്ലഘട്ട, കോറമംഗല എന്നീ നാല് പ്രധാന താഴ്വരകളിലെ മഴവെള്ളച്ചാലുകളും രാജകാലുവകളും നവീകരിക്കുന്നതാണ് പദ്ധതിയുടെ പ്രധാന ലക്ഷ്യം. ആകെ 16 പാക്കേജുകളായാണ് പ്രവൃത്തികൾ ക്രമീകരിച്ചിരിക്കുന്നത്. ബെംഗളൂരുവിൽ 842 കിലോമീറ്റർ നീളമുള്ള മഴവെള്ളച്ചാൽ ശൃംഖലയുണ്ടെന്നാണ് കണക്കുകൾ. ഇതിൽ 440 കിലോമീറ്റർ ഇതിനകം വികസിപ്പിച്ചിട്ടുണ്ട്. ശേഷിക്കുന്ന 402 കിലോമീറ്റർ നവീകരിക്കുകയും ശേഷി വർധിപ്പിക്കുകയും ചെയ്യുന്നതിനുള്ള പ്രവൃത്തികളാണ് ഇപ്പോൾ നടപ്പാക്കുന്നത്.
രണ്ടുവർഷത്തിനുള്ളിൽ പ്രവൃത്തികൾ പൂർത്തിയാക്കാനാണ് ലക്ഷ്യമിടുന്നത്.
മഴവെള്ളച്ചാലുകളുടെ കരകൾക്ക് സംരക്ഷണഭിത്തികൾ നിർമിക്കുക, തടസ്സങ്ങൾ നീക്കുക, കൈയേറ്റങ്ങൾ ഒഴിപ്പിക്കുക തുടങ്ങിയ പ്രവർത്തനങ്ങളും പദ്ധതിയിൽ ഉൾപ്പെടുന്നു.
SUMMARY: Rs 2,000 crore project in Bengaluru to prevent waterlogging during the rainy season















