സഹപ്രവർത്തകനെ റോഡിൽ വെച്ച് ക്രൂരമായി മർദിച്ചു; അഞ്ച് പേർ അറസ്റ്റിൽ

ബെംഗളൂരു: കർക്കശമായ പെരുമാറ്റം കാരണം സഹപ്രവർത്തകനെ റോഡിൽ വെച്ച് ക്രൂരമായി മർദിച്ച അഞ്ച് പേർ അറസ്റ്റിൽ. നഗരത്തിലെ സ്വകാര്യ സ്ഥാപനത്തിൽ ജീവനക്കാരനായ സുരേഷ് ആണ് മർദനത്തിനിരയായത്. ഇതേ സ്ഥാപനത്തിലെ ജീവനക്കാരായ ഉമാശങ്കർ, വിനേഷ് എന്നിവരും മൂന്നു വാടക ഗുണ്ടകളുമാണ് സംഭവത്തിൽ അറസ്റ്റിലായത്. മർദന ദൃശ്യങ്ങൾ സമൂഹ മാധ്യമങ്ങളിൽ വൈറൽ ആയതോടെ സിറ്റി പോലീസ് സ്വമേധയാ കേസെടുത്തു പ്രതികളെ പിടികൂടുകയായിരുന്നു.

വാടകഗുണ്ടകളുടെ സഹായത്തോടെയായിരുന്നു ജീവനക്കാർ സുരേഷിനെ മർദിച്ചത്. കമ്പനിയിലെ ഓഡിറ്ററാണ് സുരേഷ്. ഓഫീസിൽ സുരേഷുമായുള്ള അഭിപ്രായവ്യത്യാസമാണ് വാടകഗുണ്ടകളെ ഒപ്പംകൂട്ടി അക്രമം നടത്താൻ പ്രേരകമായതെന്ന് പോലീസ് പറഞ്ഞു. ജോലിയുമായി ബന്ധപ്പെട്ട് സുരേഷ് തങ്ങൾക്കുമേൽ വലിയ സമ്മർദം ചെലുത്താറുണ്ടെന്ന് ചോദ്യം ചെയ്യലിനിടെ ഉമാശങ്കറും വിനേഷും പോലീസിനോട് പറഞ്ഞു.

Bengaluru Men Hire Goons To Beat ‘Strict’ Colleague on Busy Road; 5 Arrested After Video Went Viral#Bengaluru #Viral #ViralVideohttps://t.co/lfNBDKM8NA

— News18.com (@news18dotcom) April 6, 2024

The post സഹപ്രവർത്തകനെ റോഡിൽ വെച്ച് ക്രൂരമായി മർദിച്ചു; അഞ്ച് പേർ അറസ്റ്റിൽ appeared first on News Bengaluru.