ഹോ​ട്ട​ലി​ൽ വെ​ടി​വ​യ്പ്; ഒരേ കുടുംബത്തിലെ നാല് പേർ അടക്കം ആറ് പേ​ർ കൊ​ല്ല​പ്പെ​ട്ടു

ഗുവാഹത്തി: അസമിലെ ഗുവാഹത്തിയിലുള്ള ഹോട്ടലിൽ വെടിവെപ്പിൽ ആറ് മരണം. ഗുവാഹത്തിയിലെ ജിഎസ് റോഡിലുള്ള ഹോട്ടലിൽ തിങ്കളാഴ്ച രാത്രിയുണ്ടായ വെടിവയ്പിൽ രണ്ട് സ്ത്രീകൾ ഉൾപ്പെടെ ആറ് പേർ മരിച്ചതായി സ്ഥിരീകരിച്ചു. ഗുവാഹത്തിയിലെ ജി.എസ് റോഡിൽ ബോറ സർവീസ് മേഖലയിലുള്ള ‘ഹോട്ടൽ ബിലാസ് ഇൻ എന്ന ഹോട്ടലിലാണ് തിങ്കളാഴ്ച വൈകുന്നേരത്തോടെ ദാരുണമായ സംഭവം നടന്നത്. അക്രമികളെന്ന് സംശയിക്കുന്ന രണ്ട് പേരെ പോലീസ് പിടികൂടി.

ഹോട്ടലിന്റെ ഉടമസ്ഥതയും കരാറുമായി (Lease agreement) ബന്ധപ്പെട്ട തർക്കമാണ് വെടിവയ്പിലേക്ക് നയിച്ചതെന്നാണ് പ്രാഥമിക അന്വേഷണത്തിൽ വ്യക്തമാകുന്നത്. കൊല്ലപ്പെട്ടവരിൽ ഹോട്ടൽ ഉടമയായ ഹെലീന ഭരാലി, മകൻ ദേവർഷി ഭരാലി എന്നിവരുൾപ്പെടെ ഒരേ കുടുംബത്തിലെ നാല് അംഗങ്ങളും അവരുടെ ഗ്രാമത്തിൽ നിന്നുള്ള മറ്റൊരാളും ഉൾപ്പെടുന്നു. വെടിവയ്പിൽ പരിക്കേറ്റ സത്യേന്ദ്ര പഥക് എന്നയാൾ ഗുവാഹത്തി മെഡിക്കൽ കോളേജ് ആശുപത്രിയിൽ ചികിത്സയിലാണ്.

ഹോ​ട്ട​ലി​ന്‍റെ സ്വീ​ക​ര​ണ കൗ​ണ്ട​റി​ന് സ​മീ​പം ഇ​രു​ന്ന​വ​രാ​ണ് വെ​ടി​വ​യ്പി​ൽ കൊ​ല്ല​പ്പെ​ട്ട​ത്. ഈ ​സ​മ​യം ഹോ​ട്ട​ൽ ജീ​വ​ന​ക്കാ​ർ ഉ​ൾ​പ്പെ​ടെ 25 ൽ ​താ​ഴെ ആ​ളു​ക​ളാ​ണ്  ഉ​ണ്ടാ​യി​രു​ന്ന​ത്. പൊ​ലി​സ് ആ​സ്ഥാ​ന​ത്തു​നി​ന്ന് വെ​റും ര​ണ്ട് കി​ലോ​മീ​റ്റ​ർ മാ​ത്രം അ​ക​ലെ​യു​ള്ള ഹോ​ട്ട​ലി​ലാ​ണ് സം​ഭ​വം ന​ട​ന്ന​ത്. സംഭവത്തിൽ പോലീസ് കേസ് രജിസ്റ്റർ ചെയ്ത് വിശദമായ അന്വേഷണം നടത്തിവരികയാണ്.

SUMMARY: Shooting at a hotel; six people, including four from the same family, killed.