ബെംഗളൂരു : വിദേശ ദേശാടനപ്പക്ഷികളെ നിയമവിരുദ്ധമായി കൈവശംവെച്ചതിന് കന്നഡനടൻ ദർശനും ഭാര്യ വിജയലക്ഷ്മിക്കും കോടതിയുടെ സമൻസ്. മൈസൂരു ജില്ലയിലെ ടി. നരസിപുരയിലെ പ്രാദേശിക കോടതിയാണ് ജൂലായ് നാലിന് വാദം കേൾക്കുന്നതിനായി ദമ്പതിമാരോട് കോടതിയിൽ ഹാജരാകാനാവശ്യപ്പെട്ട് സമൻസ് അയച്ചത്.
ടി. നരസിപുര താലൂക്കിലെ കെമ്പായനഹുണ്ടിയിലെ ദർശന്റെ ഫാം ഹൗസിൽ വനംവകുപ്പ് ഉദ്യോഗസ്ഥർ നടത്തിയ പരിശോധനയിൽ വന്യജീവിസംരക്ഷണ നിയമപ്രകാരം സംരക്ഷിത ഇനമായ മധ്യേഷ്യയിൽനിന്നുള്ള നാല് ദേശാടനപ്പക്ഷികളെ അനുമതിയില്ലാതെ വളര്‍ത്തുന്നത് കണ്ടെത്തിയിരുന്നു. തുടര്‍ന്ന് ദേശാടനപ്പക്ഷികളെ അധികൃതര്‍ പിടിച്ചെടുത്തിരുന്നു. റെയ്ഡിനെത്തുടർന്ന് ദർശനും ഭാര്യയ്ക്കും ഫാംഹൗസ് മാനേജർക്കുമെതിരെ വന്യജീവി സംരക്ഷണ നിയമപ്രകാരം കേസ് രജിസ്റ്റർ ചെയ്തു.
ദേശാടന പക്ഷികളെ അനുമതിയില്ലാതെ തടവിൽവെക്കാൻ കഴിയില്ല. അതേസമയം സുഹൃത്തുക്കൾ സമ്മാനമായി തനിക്ക് നൽകിയ പക്ഷികളാണിതെന്നാണ് ദർശൻ പറയുന്നത്.
<br>
TAGS : DARSHAN THOOGUDEEPA
SUMNMARY : Actor Darshan and his wife issued summons by court for possessing rare exotic migratory birds
