ബെംഗളൂരു: ഇടിമിന്നലേറ്റ് ഒരു കുടുംബത്തിലെ നാല് പേർ മരിച്ചു. യാദ്ഗിർ ജീനക്കേരി തണ്ടയിലെ ചേനു (22), കിഷൻ (30), സുമി ബായി (30), രണ്ടര വയസുകാരൻ എന്നിവരാണ് മരിച്ചത്. തിങ്കളാഴ്ച പുലർച്ചെയോടെ ഉള്ളി വിളവെടുക്കാൻ ഫാമിലേക്ക് പോയപ്പോഴാണ് സംഭവം. കനത്ത മഴ പെയ്തതോടെ ഇവർ സമീപത്തെ ദുർഗമ്മ ക്ഷേത്രത്തിൽ കയറി നിന്നിരുന്നു.
എന്നാൽ ശക്തിയായുള്ള ഇടിമിന്നലേറ്റതോടെ നാല് പേരും മരണപ്പെടുകയായിരുന്നു. ഉച്ചയോടെയാണ് നാട്ടുകാർ ഇവരുടെ മൃതദേഹം ക്ഷേത്രത്തിൽ നിന്ന് കണ്ടെത്തിയത്. യാദ്ഗിർ റൂറൽ പോലീസ് സ്ഥലത്തെത്തി നടത്തിയ പരിശോധനയിലാണ് ഇടിമിന്നലേറ്റാണ് ഇവർ മരിച്ചതെന്ന് സ്ഥിരീകരിച്ചത്.
TAGS: KARNATAKA | DEATH
SUMMARY: Four of family killed in lightning strike in Karnataka
