ആലപ്പുഴയില് ഉത്സവ കെട്ടുകാഴ്ചയ്ക്കുള്ള സാധനങ്ങള്ക്കും വാഹനത്തിനും തീപിടിച്ചു. കെട്ടുരുപ്പടികളും വാഹനവുമാണ് തീപിടിച്ച് നശിച്ചത്. ഉത്സവ ശേഷം ചുനക്കര പഞ്ചായത്ത് കരിമുളയ്ക്കല് വാർഡ് എട്ടില് കൊണ്ടുപോവുകയായിരുന്നു ഉരുപ്പടികള്. സംഭവ സ്ഥലത്ത് കായംകുളം അഗ്നി രക്ഷാസേനയുടെ രണ്ട് യൂണിറ്റ് എത്തി തീ അണച്ചു.
വൈദ്യുതി ലൈനില് തട്ടി കെട്ടുകാഴ്ചക്കായി കൊണ്ടുപോവുകയായിരുന്ന ഉരുപ്പടികള് നിമിഷ നേരംകൊണ്ട് കത്തുകയായിരുന്നു. തീയണയ്ക്കാൻ ശ്രമം നടത്തിയെങ്കിലും പരാജയപ്പെട്ടു. വെള്ളം ഒഴിക്കുമ്പോൾ തീ ആളിക്കത്തുകയായിരുന്നു. ആനയ്ക്കുള്ള നെറ്റിപ്പട്ടവും മറ്റ് ചില സാധനങ്ങളും മാത്രമാണ് മാറ്റാൻ സാധിച്ചത്. തീയണയ്ക്കാൻ സാധിക്കാതെ വന്നതോടെയാണ് നാട്ടുകാര് ഫയര്ഫോഴ്സിനെ വിവരമറിയിച്ചത്.
The post ഉത്സവ കെട്ടുകാഴ്ചയ്ക്കും വാഹനത്തിനും തീപിടിച്ചു appeared first on News Bengaluru.
Powered by WPeMatico
